Yashil masjid (Iznik)

Masjid
Yashil masjid turkcha: Yeşil Camii
Yashil masjid
Mamlakat	Turkiya
Shahar	Iznik
Koordinatalar	40°25′47″N 29°43′37″E
Meʼmoriy uslub	Usmoniylar meʼmorchiligi
Meʼmor	Hoji Musa
Binokorlik	1378-yil—1391-yil
Gumbazlar soni	2 (undan koʻp boʻlgan boʻlishi mumkin)
Gumbazlar soni	2 (undan koʻp boʻlgan boʻlishi mumkin)
Minoralar soni	1
Minoralar soni	1
Minoralar balandligi	25 m (82 ft)

Yashil masjid (turkcha: Yeşil Camii) – Turkiyaning Iznik shahrida joylashgan tarixiy Usmoniylar masjidi.

Meʼmorchiligi

Usmoniylar meʼmorchiligining ilk namunalaridan biri boʻlgan Yashil masjid Iznikda sulton Murod I ning Sadr vaziri Chandarli Qora Xalil Xayriddin posho buyrugʻi bilan qurilgan. Keyinchalik qurilish uning oʻgʻli Chandarli Ali posho tomonidan yakuniga yetkazilgan. Masjiddagi yozuvga koʻra, qurilish ishlari hijriy 780-yil (milodiy 1378/1379-yil)dan 794-yil (milodiy 1391/1392-yil)gacha amalga oshirilgan. Masjid meʼmori – Hoji ibn Muso.

Yashil masjid shaharning sharqiy chekkasida Lefke darvozasi yaqinida joylashgan. Bino uch qavatli ayvon va diametri 10.5 m (34 ft) oʻlchamdagi bitta gumbaz bilan qoplangan bitta namozxonadan iborat. Gumbazning balandligi poldan 17.5 m (57 ft), toʻrtta derazasi mavjud. Ichki devorlarning pastki qismi kulrang marmar panellar bilan qoplangan.

Binoning shimoli-gʻarbiy burchagida bitta minora joylashgan boʻlib, yashil, sariq, feruza va toʻq binafsha rangdagi sirlangan terrakota plitalari bilan bezatilgan.

Masjid 1922-yilda Turkiyaning mustaqillik urushi paytida yunon armiyasi tomonidan vayron qilingan, keyinchalik 1956–1969-yillarda qayta tiklangan.

Galereya

• 
  Tashqi koʻrinishi
• 
  Tashqi koʻrinishi
• 
  Tashqi qismidagi bezaklari
• 
  Kirish qismi tepasidagi tashqi bezagi
• 
  Minbar bilan ichki qismi
• 
  Minora

Yana qarang

• Turkiyada islom
• Turkiyadagi masjidlar roʻyxati

Havolalar

• Yesil Cami, Archnet