Michael Atiyah

Michael Francis Atiyah
Tavalludi	22-aprel 1929-yil Hampstead, London, Angliya
Vafoti	11-yanvar 2019-yil(2019-01-11) (89 yoshda)
Istiqomat joylari	Buyuk Britaniya, AQSh
Fuqaroligi	Britaniya
Sohasi	Matematika
Institutlar	Oxford universiteti - Yangi kollej va Avliyo Catherine kolleji Perspektiv tadqiqotlar instituti Leicester universiteti Edinburgh universiteti Pembroke kolleji
Akademik rahbarlari	W. V. D. Hodge
Mashhur ishlari	Atiyah–Singer indeks teoremasi Atiyah–Segal toʻldirish teoremasi
Mukofotlari	Berwick mukofoti (1961) Fields medali (1966) Qirollik medali (1968) De Morgan medali (1980) Copley medali (1988) Abel mukofoti (2004)

Michael Francis Atiyah (talaffuzi: Maykl Frensis Atiya) (22-aprel 1929-yil — 11-yanvar 2019-yil) — britaniyalik matematik. Geometriya boʻyicha ishlari bilan shuhrat qozongan. Atiyah Sudan va Misrda ulgʻaygan, ammo akademik faoliyatini Buyuk Britaniyada Oxford va Cambridge universitetlarida, keyinchalik AQShda Perspektiv tadqiqotlar institutida olib borgan.

Atiyah London Qirollik jamiyati prezidenti (1990-1995), Isaac Newton instituti (1990–1996) direktori, Trinity kolleji direktori (1990–1997), Leicester universiteti rektori (1995–2005) hamda Edinburgh Qirollik jamiyati prezidenti lavozimlarida ishlagan. 1997-yildan oʻlimiga qadar Edinburgh universiteti faxriy professori boʻlgan.

Atiyah Friedrich Hirzebruch bilan hamkorlikda K-teoriyani ishlab chiqqan. Ushbu teoriya algebraik topologiyaning muhim asboblaridan biri hisoblanadi. 1963-yil Isadore Singer bilan hamkorlikda taniqli Atiyah–Singer indeks teoremasini isbotlagan. Ushbu teoremadan differensial tenglamalarning mustaqil yechimlari sonini hisoblashda foydalaniladi. Atiyah nazariy fizika sohasidagi, xususan, maydon kvant nazariyasisida qoʻllaniladigan instanton va monopollar boʻyicha ishlari bilan ham tanilgan. Atiyah 1966-yil Fields medali bilan, 2004-yilda esa Abel mukofoti bilan taqdirlangan.

Havolalar

• Britannica ensiklopediyasidagi Hayoti