Ogayo

Ogayo Ohio
Shtat
Ogayo bayrogʻi Ogayo tamgʻasi
Shtat laqabi: Buckeye Shtati (Buckeye State)
Mamlakat	AQSh
Poytaxt	Columbus
Eng yirik shaharlar	Columbus Cleveland Cincinnati
Maydon    • Butun    • % suv	AQSh: 34-oʻrinda 116,096 km² 8.65 %
Aholi    • Butun (2021)    • Zichlik    • Senat oʻrinlari    • Elektoral ovozlari	AQSh: 7-oʻrinda 11,464,042 107.05 kishi/km² 18 20
YIM    • YIM    • YIM/kishi	AQSh: 7-oʻrinda $419,866 million $36,669
Ittifoqqa kirish    • Sana	17-boʻlib 1-mart 1803
Vaqt	UTC-5 (EST)
Qisqartma	OH [39]
Shtat guli	Scarlet Carnation (Dianthus caryophyllus)
Shtat daraxti	Ohio Buckeye (Aesculus glabra)

Ogayo — AQShning shimoli-sharqiy qismidagi shtat. Eri koʻli bilan Ogayo daryosi oraligʻida. Maydoni 107,0 ming km². Aholisi 11,4 mln kishi (2002), 75% dan koʻprogʻi shaharlarda yashaydi. Maʼmuriy markazi — Kolumbus shahri, yirik sanoat shaharlari: Klivlend va Sinsinnati. Shtatning sharqida Appalachi platosi (eng baland joyi 460 m), gʻarbida Markaziy tekisliklar bor. Yanvarning oʻrtacha havo harorati 0" dan -3° gacha, iyulniki 23-25°. Yillik yogʻin 800-1000 mm.

Ogayo — AQShning aholisi zich va iqtisodiy jihatdan eng rivojlangan shtatlaridan. Toshkoʻmir (yiliga 40 mln. t), tuz (5 mln. t), neft va tabiiy gaz qazib olinadi. Ogayo choʻyan va poʻlat eritishda AQShda Pennsilvaniya shtatidan keyin 2-oʻrinda, elektr energiya hosil qilishda esa 1-oʻrinda. Qishloq xoʻjaligi tovar mahsulotining 60%ni chorvachilik beradi. Ekin maydoni 5 mln. ga. Asosan, makkajoʻxori, soya, bugʻdoy, suli va yem-xashak ekinlari ekiladi. Meva, uzum va sabzavot yetishtiriladi. Eri koʻli sohilidagi portlar orqali koʻmir joʻnatiladi, temir rudasi keltiriladi. Ogayo hududini yevropaliklardan birinchi boʻlib 17-asrda fransuzlar egallagan. Parij shartnomasiga binoan, 1763-yilda Ogayo Buyuk Britaniya qoʻliga oʻtdi. 1783-yildan AQSH tarkibida. 1802-yildan AQSH shtati.