Maryland

Maryland
Shtat
Marilend bayrogʻi Marilend tamg`asi
Shtat laqabi: Eski Chegara Shtati; Ozod Shtat (Old Line State; Free State)
Mamlakat	AQSh
Poytaxt	Annapolis
Eng yirik shaharlar	Baltimor Geyzersburg Rokvill
Maydon    • Butun    • % suv	AQSh: 42-oʻrinda 32,131 km² 21.22 %
Aholi    • Butun (2021)    • Zichlik    • Senat oʻrinlari    • Elektoral ovozlari	AQSh: 19-oʻrinda 6,177,224 209.23 kishi/km² 8 10
YIM    • YIM    • YIM/kishi	AQSh: 15-oʻrinda $227,991 million $40,996
Ittifoqqa kirish    • Sana	7-boʻlib 28-aprel 1788
Vaqt	UTC-5 (EST)
Qisqartma	MD [24]
Shtat guli	Black-eyed susan (Rudbeckia hirta)
Shtat daraxti	White oak (see also: Wye Oak) (Quercus alba)

Maryland (talaffuzi: Merilend) - Amerika Qoʼshma Shtatlardan biri boʻlib, AQShning Oʻrta-Atlantika hududida joylashgan. Maydoni 27,1 ming km². Hududining kattaligiga koʻra, shtat Yevropadagi Belgiya davlatiga qiyoslansa boʻladi. Aholisi 6,2 mln. kishi (2020), shundan shahar aholisi 81%. Maʼmuriy markazi — Annapolis shahri, eng yirik shahri va porti — Maryland. AQSh ittifoqiga 28-aprel 1788-yilda 7-shtat boʼlib kirgan. AQSh Soʻrovlar Byurosi 2007-yil avgustda taqdim etgan maʼlumotga koʻra, Maryland hozir AQShning eng boy shtati hisoblanadi (undan avval New Jersey shtati edi). Shtatdagi bir xoʻjalikning oʻrtacha yillik daromadi 65 ming 144 AQSh dollarini tashkil qiladi. Chesapik qoʻltigʻining har ikki sohiliga tutashgan. Sharqiy qismida sohilboʻyi pasttekisligi, markazida Pidmont platosi (eng baland joyi 400 m), gʻarbiy qismida Appalachi togʻlari (eng baland joyi 1024 m) bor. Iqlimi moʻtadil yumshoq, sernam iqlim. Yanvarning oʻrtacha temperaturasi 2—3°, iyulniki 25— 27°. Yillik yogʻin 1000 mm. Togʻ yon bagʻirlari oʻrmonlar bilan qoplangan. Xoʻjaligining yetakchi tarmogʻi — sanoat. Xom ashyoning aksari qismi chetdan keltiriladi. K°Ra metallurgiya sanoati rivojlangan. Mashinasozlik (jumladan, kemasozlik), radioelektronika, aviaraketa, kimyo, neftni qayta ishlash, oziq-ovqat, tikuvchilik sanoati korxonalari bor. Yirik metall konstruksiyalar ishlab chiqariladi. Qishloq xoʻjaligi tovar mahsulotining yarmidan ortigʻini chorvachilik beradi. Qoramol, choʻchqa, parranda boqiladi. Shtatning gʻarbiy qismida tamaki yetishtiriladi. Dengizdan baliq ovlanadi. Maryland orqali Atlantika okeani sohilini Vashington shahri bilan boglovchi muhim yoʻllar oʻtgan.