Sinjuan Gao (1940, Xitoy) – xitoy yozuvchisi, munaqqid, rassom. Pekinaagi chet tillar institutining fransuz boʻlimini tugatgan. Xitoyda madaniy inqilob yillari qamoqda oʻtirgan, shu sababli qoʻlyozmalarini yoqib yuborishga majbur boʻlgan. Ozodlikka chiqqach, Fransiya va Italiyaga safar qilgan (1979). Birinchi romani – „Qahraton tun yulduzlari“ (1980). Asarlari modern usullarida yozilgani uchun vatanida katta munozaralarga sabab bulgan, chet ellarda esa eʼtibor qozongan. Absurd usulida yozilgan „Avtobus bekati“ (1983) dramasi partiya amaldori tomonidan tankidga uchragan. 1986-yil „Begona qirgʻoq“ dramasi Xitoyda taqiqlangan, shundan soʻng birorta pyesasi sahnaga chiqaoilmagan. S. amaldorlar taʼqibidan qochib, Yanszi daryosining boshidan to oxirigacha kezib chiqqan. 1989 i. talabalarning Tyananmin maydonidagi namoyishi oʻqqa tutilgach, kommunistik partiya safidan chiqqan. Shu voqea asosida yozilgan „Qochqinlar“ dramasi Fransiyada bosilgach, chet elga ketishga majbur boʻlgan. Germaniyada yarim yil yashab, Parijga koʻchib oʻtgan va Fransiya fuqaroligini qabul qilgan. „Sirli togʻ“ romani uchun oʻzi rasmlar chizgan. Nobel mukofoti laureati (2000).[2]
