Günter Grass [1927.16.10, Polsha, Dansig (Gdansk)— 2015.13.4] — nemis yozuvchisi. 1956 yilda "Uchar tovuqlarning afzalligi" sheʼriy toʻplami nashr etilgan. "Tunuka nogʻora" (1959) romani mashhur. Unda nemis xalqining yaqin va olis tarixi, insoniyat oldidagi aybi va uni anglash haqida soʻz boradi. Grass bu romanini "Mushuk-sichqon" (1961) qissasi, "It yillari" (1963) romani bilan qoʻshib, 1974 yilda "Dansig trilogiyasi" umumiy nomi ostida nashr ettirgan. "Narkoz bilan etni oʻldirish" (1969) romani avlodlar munosabati haqida. "Qalqonbaliq" (1977) romanida ayollar emansipatsiyasi borasidagi oʻz qarashlarini bayon qilgan. "Moda kalamush" (1986) romanida kuchayib borayotgan yadro urushi xavfiga munosabat bildirgan. "Bepoyon dala" (1995) romanida Germaniyaning qoʻshilishi mavzusi qalamga olingan. Nobel mukofoti laureati (1999).[6]
