Qiroat

Qiroat — islom anʼanasida Qurʼon oyatlarini tajvid qoidalariga rioya qilgan holda, oʻziga xos ohangda oʻqish. Qiroat bilan tilovatning farqi shundaki, Qiroat ilohiy oyatlar, vahiyni oʻqishga ham, inson tomonidan bitilgan yozuv va sheʼrlarni oʻqishga ham qoʻllanaveradi. Tilovat esa, asosan, vahiy etilgan oyatlarni oʻqishdir. Hozirgi vaqtda Qiroatlarning ichida 2 xil — Imom Hafs rivoyati bilan Imom Osim Q.i va Imom Varsh rivoyati bilan Imom Nofeʼ Qiroati mashhur hamda keng tarqalgan. Oʻzbekistonda Imom Osim Qiroati boʻyicha Quron oʻqiladi.