Muoviya I

Muoviya I yoki Muoviya ibn Abu Sufyon (? - 680) — umaviylar sulolasi asoschisi va shu suloladan boʻlgan dastlabki xalifa (661—680). Quraysh qabilasi zodagonlaridan. 639 yildan Suriyada noib. 657 yil xalifa Ali va uning oʻlimidan soʻng xavorijlar bilan kurash olib borgan, 661 yil xalifa deb eʼlon qilingan. Xalifalar hokimiyatini merosiy qilgan. M. davrida xalifalik poytaxti Damashq shahriga koʻchirilgan. M. siyosati arab qabila zodagonlarining manfaatini ifodalagan. Yirik diplomat va maʼmur boʻlgan.