Sayfullo Sharipov

Sayfullo Sharipov
Shaxsiy maʼlumot
Toʻliq ismi	Sayfullo Sharipov
Tavallud sanasi	9-aprel 1976-yil
Tavallud joyi	Samarqand,; Oʻz SSR, USSR
Boʻyi	182 m (597 ft 1 1⁄2 in)
Ampluasi	Himoyachi
Professional faoliyati*
Yillar	Jamoa
1997	MHSK
1997	→ Yangiyer
1998—1999	Yangiyer
2000	Guliston
2001	Zarafshon
2002	Mashʼal
2003—2004	Dinamo
2005	Metallurg
2005	→ Soʻgʻdiyona
2006	Dinamo
Boshqargan klublari
2012—2014	Sherdor
2016	Dinamo
	*Professional klublardagi gollari (ichki chempionat)

Sayfullo Sharipov (ruscha: Шарипов, Сайфулло; 1976-yil 9-aprel Samarqand, Oʻzbekiston SSR) – oʻzbekistonlik futbolchi, himoyachi pozitsiyasida oʻynagan. Futbol murabbiyi.

Futbolchilik faoliyati

Futbolchi sifatida

Samarqandning „Dinamo“ jamoasi bitiruvchisi. Sayfullo Sharipov professional faoliyatini 1997-yilda Toshkent MHSKda boshlagan. Sharipov oʻzining debyut mavsumida MHSK tarkibida Oʻzbekiston chempioni boʻlgan. Oʻsha mavsumning ikkinchi yarmida ijara asosida Yangiyerga koʻchib oʻtdi va yarim mavsum davomida 12 ta oʻyinda maydonga tushib, 1 ta gol urgan. 1998-yil boshida „Yangiyer“ futbolchini toʻliq sotib oldi va Sharipov keyingi ikki mavsumni „Yangiyer“ jamoasida oʻynagan. 2000-yilda Gulistonga koʻchib oʻtgan va bir mavsumda 27 ta oʻyinda maydonga tushib, 1 ta gol urgan. Keyingi yili u „Zarafshon“ Navoiy safida bir mavsum toʻp surgan va buning uchun 32 ta oʻyinda maydonga tushgan. 2002-yilgi mavsumda Sayfullo „Muborak Mash’al“ jamoasida oʻynagan.

2003-yili Samarqandning „Dinamo“siga qaytib, ikki mavsum ular safida oʻynagan. 2005-yilgi mavsumda yarim mavsumni Bekobodning „Metallurg“ va Jizzaxning „Soʻgʻdiyona“ klublarida oʻtkazgan. 2006-yilda u oʻzining tugʻilgan Samarqandning „Dinamo“ jamoasida futbolchi sifatidagi professional faoliyatini yakunlagan.

Murabbiy sifatida

2012-yilda Sayfullo Sharipov Samarqandning qayta tashkil etilgan „Sherdor“ klubiga bosh murabbiy etib tayinlangan^[1]. Oʻsha yili uning rahbarligida jamoa ilk bor Oʻzbekiston chempionati ikkinchi ligasida ishtirok etgan va oʻz guruhida birinchi oʻrinni egallab, Oʻzbekiston birinchi ligasiga yoʻllanmani qoʻlga kiritgan^[2]. Birinchi ligaga chiqqanidan keyin Sayfullo Sharipov 2014-yilning oxirigacha „Sherdor“ni boshqarishda davom etgan. Keyin Samarqandning „Dinamo“ jamoasi murabbiylar shtabida ishlagan^[3].

Yutuqlar

Oʻzbekiston chempioni: 1997-yil

Manbalar

Havolalar

Sayfullo Sharipov Footballfacts saytida

[1] Zaxirasiz qolib ketgan jamoalar yoxud Sayfullo Sharipov

[2] Sayfullo Sharipov: „Sherdor“ning natijasidan qoniqdim"

[3] „Dinamo“ning 2016 yilgi mavsum uchun „zayavka“si / CHAMPIONAT.asia

[1]

[2]

[3]