Hans-Jürgen Gede

Hans-Jürgen Gede
Shaxsiy maʼlumot
Tavallud sanasi	14-noyabr 1956-yil (67 yosh)
Tavallud joyi	Gelsenkirchen, Germaniya
Boʻyi	1.73 m
Ampluasi	Yarim himoyachi
Klub maʼlumoti
Joriy klub	Viettel (Texnik direktor)
Professional faoliyati*
Yillar	Jamoa
1975–1977	Schalke 04
1977–1979	Preußen Münster
1979–1991	Fortuna Köln
Total
Boshqargan klublari
1991–1992	Fortuna Düsseldorf
1993–1994	Persepolis (yordamchi)
1994	Persepolis
1994–1995	Eron U23
1996–1997	KSV Hessen Kassel
1998	Eron (Texnik direktor)
1999–2001	SV Lippstadt
2001–2003	Rot-Weiß Oberhausen (yordamchi)
2003–2004	Oʻzbekiston (yordamchi)
2004	Oʻzbekiston
2005–2006	Shahid Ghandi
2006	Al-Ahli
2007–2008	Kuala Lumpur FA
2008–2009	Neftchi Baku
2009	Okktha United FC
2009–2010	Tahaddy
2011	Esteghlal (yordamchi)
2011–2012	Zob Ahan (yordamchi)
2013	Aluminium (yordamchi)
2013–2014	Aluminium
2016–2019	Vietnam (Texnik direktor)
2017–2019	Vietnam U16 (Texnik direktor)
2016–2019	Vietnam U19 (Texnik direktor)
2017–2020	Vietnam U23 (Texnik direktor)
2020–2022	Viettel (Technical director)
	*Professional klublardagi gollari (ichki chempionat)

Hans-Jürgen Gede (talaffuzi: Xans-Yurgen Gede; tugʻ. 1956-yil 14-noyabr; Gelzenkirxen, Germaniya) – nemis futbolchisi va futbol murabbiyi^[1]^[2].

Karyera

Futbolchi sifatida

Oʻzining professional faoliyatini 1975-yilda ona shahrining „Shalke 04“ klubida yarim himoyachi sifatida boshlagan. „Shalke“ tarkibida 1977-yilgacha oʻynadi va shu vaqt ichida oʻttiz uchta oʻyinda maydonga tushib, ikkita gol urdi. Keyinchalik „Preussen“ klubiga oʻtdi va darhol asosiy tarkibdagi oʻrnini egallab, ikki mavsumda yetmish bir oʻyinda ishtirok etdi hamda 10ta gol urdi.

1979-yil oxirida Kyolnning „Fortuna“ klubi unga eʼtibor qaratdi va Gede klub bilan shartnoma imzoladi. „Fortuna“ tarkibida haqiqiy jamoa yetakchisiga aylandi va keyinchalik jamoa sardori boʻldi. Jurgen deyarli oʻn ikki yilni Fortuna safida oʻtkazdi va shu vaqt ichida 343 ta oʻyinda maydonga tushib, 48 ta gol urdi. Keyinchalik, 1991-yilda futbolchi sifatidagi faoliyatini yakunladi.

Murabbiy sifatida

1991-yilda „Fortuna Dyusseldorf“ klubi bosh murabbiyiga aylandi va ikki mavsum ishladi. 1993-yilda Ali Parvinning yordamchisi boʻlish uchun Eronga taklif qilindi va Tehronning „Persepolis“ jamoasi murabbiylar shtabiga aʼzo boʻldi. 1994-yilda Ali Parvin isteʼfoga chiqarilganidan soʻng, „Persepolis“ga bosh murabbiy etib tayinlandi va 1994-yilgi mavsumni klub murabbiyligida yakunladi.

Oʻsha yilning boshida Eron yoshlar terma jamoasiga bosh murabbiy etib tayinlangan. Yoshlar jamoasida Hans-Jurgen Gede 1995-yil oxirigacha ishladi va isteʼfoga chiqdi.

1996-yil oʻrtalarida Germaniyaga qaytib, „KSV Hessen“ bilan shartnoma imzoladi, ammo keyingi mavsum oʻrtasida bosh murabbiylikdan boʻshatildi. Ishdan boʻshagach, 1998-yilgacha ishlamadi va faqat 1999-yilda Germaniyaning boshqa bir klubi – „Lippshtadt-08“ga rahbarlik qilishga taklif qilindi. va 2001-yilning oʻrtalarigacha shu klubda ishladi.

Oʻsha yilning oʻrtalarida u Oberxauzenning Rot-Vays klubi bilan bosh murabbiy yordamchisi sifatida shartnoma imzoladi. 2003-yil boshiga qadar „Rot-Vays“ murabbiylar shtabida ishlab, jamoani tark etgan.

2003-yil boshida Oʻzbekiston milliy futbol terma jamoasiga bosh murabbiy yordamchisi sifatida taklif qilingan, 2004-yilda terma jamoa bosh murabbiyi boʻlgan. Unga terma jamoani 2006-yilgi jahon chempionatiga olib borish vazifasi yuklangandi. Muvaffaqiyatsiz oʻyinlardan soʻng, ishdan boʻshatildi.

2005-2010-yillarda Gede turli mamlakatlarning turli klublarida ishlagan: Shahid Gandi (Eron), Al-Ahli (Bahrayn), Kuala-Lumpur (Malayziya), Neftchi Boku (Ozarbayjon), Oktta Yunayted (Myanma) va At-Tahaddi (Liviya).

2011-yil boshida Eronning „Istiqlol“ klubiga bosh murabbiy yordamchisi sifatida taklif qilingan va 2011-yilning oʻrtalariga qadar ishlagan. Eronning boshqa bir klubi – „Zob Axan“da yordamchi murabbiy sifatida ish boshlagan.

2013-yil boshida „Zob Axan“ni tark etib, „Aluminium“ klubida yordamchi murabbiy, keyinroq bosh murabbiy boʻldi. 2014-yil boshida ishdan boʻshatildi.

2016-yilning fevralidan mayigacha „Vestfalenliga“ (6-divizion) klubi Hedefspor (Xattingen) bilan ishlagan. Oʻsha yilning iyun oyidan 2017-yilgacha Vyetnam terma jamoasida ishlagan.

Manbalar

↑ „Ханс-Юрген Геде“ (de). fussballdaten.de. 2010-yil 3-fevralda asl nusxadan arxivlangan. Qaraldi: 2010-yil 7-fevral.
↑ „Ханс-Юрген Геде“ (de). weltfussball.de. 2012-yil 1-oktyabrda asl nusxadan arxivlangan. Qaraldi: 2010-yil 7-fevral.

Havolalar

Hans-Jürgen Gede WorldFootball.net saytida
Hans-Jürgen Gede fussballdaten.de saytida (olmoncha)

[1] „Ханс-Юрген Геде“ (de). fussballdaten.de. 2010-yil 3-fevralda asl nusxadan arxivlangan. Qaraldi: 2010-yil 7-fevral.

[2] „Ханс-Юрген Геде“ (de). weltfussball.de. 2012-yil 1-oktyabrda asl nusxadan arxivlangan. Qaraldi: 2010-yil 7-fevral.

[1]

[2]