Baxtiyor Davlatov

Baxtiyor Davlatov
Shaxsiy maʼlumot
Toʻliq ismi	Baxtiyor Boyjonovich Davlatov
Tavallud sanasi	2-may 1969-yil
Tavallud joyi	Yangiyer, Oʻzbekiston SSR
Vafot sanasi	20-avgust 2013-yil ; (44 yoshda)
Ampluasi	Hujumchi
Klub maʼlumoti
Joriy klub	Faoliyati yakunlangan
Professional faoliyati*
Yillar	Jamoa
1986—1987	Selnik
1989	SKA-RShVSM
1990	Aralvodstroevets
1991	Toʻrtkoʻlchi
1992—1996	Yangiyer
1993	→ Orol Nukus
1996	→ Kosonsoy
1997	Nasaf
1998	Yangiyer
1999	Nasaf
2000	Mash’al
2001	Metallurg
2004	Mash’al
	*Professional klublardagi gollari (ichki chempionat)

Baxtiyor Boyjonovich Davlatov (ruscha: Давлятов, Бахтиёр; 1969-yil 2-may, Yangiyer – 2013-yil 20-avgust) – Oʻzbekistonlik sobiq futbolchi, Muborakning Mash’al, Qarshining Nasaf va „Yangiyer“ jamoalarida oʻynagan. Maydonda hujumchi pozitsiyasida harakat qilgan^[1].

Futbolchilik faoliyati

Baxtiyor professional futbolchilik faoliyatini 1986-yil Qoraqalpogʻistonda, Toʻrtkoʻlning „Selnik“ jamoasi tarkibida boshlagan. 1989-yilda Toshkent viloyatining „Sverdlovets“ jamoasi tarkibiga oʻtgan. Sverdlovets jamoasi tarkibida oʻtkazgan mavsumidan soʻng Qoraqalpogʻistonga qaytgan va Orol va Selnik jamoalarida oʻynagan.

Sovet ittifoqi qulagach mustaqil Oʻzbekistonning birinchi chempionatini Yangiyer jamoasi tarkibida oʻtkazgan. Baxtiyor „Yangiyer“ klubi tarkibida 1992-yildan 1996-yilga qadar toʻp surgan. 1993-yilda yarim mavsum Orol Nukus jamoasi tarkibida ijara asosida oʻynagan. Keyinchalik faoliyati davomida Namanganning „Kosonsoy“, Qarshining „Nasaf“, Bekobodning „Metallurg“ va Muborakning „Mash’al“ jamoalarida oʻynagan. Bir muddat „Yangiyer“ jamoasi tarkibiga qaytgan.

Baxtiyor Oʻzbekiston Superligasiga nisbatan Oʻzbekiston Pro ligasida ancha muvaffaqiyatli ishtirok etgan va ikki liganing (Yangiyer va Mash’al) eng yaxshi toʻpurari boʻlgan. 2004-yilda „Mash’al“ jamoasidagi faoliyatidan soʻng professional faoliyatini yakunlagan.

Futboldan keyingi faoliyati

Futbolchilik faoliyati yakunlaganida soʻng Yangiyerda va Muborakda bolalar murabbiyi sifatida faoliyat olib borgan. 2013-yilda 44 yoshida vafot etgan. Vafotidan soʻng uning xotirasiga „Baxtiyor Davlatov xotira turniri“ tashkil etilgan^[2]. Har yili 24-aprel va 5-may oraligʻida oʻsmir yosh futbolchilar oʻrtasida turnir oʻtkaziladi^[3]^[4]^[5].

Yutuqlar

Oʻzbekiston Pro ligasi toʻpurari: 1998 (39 ta gol), 2000 (35 ta gol)

Manbalar

↑ „Baxtiyor Davlatovni xotirlab“ (2013-yil 20-avgust).
↑ „Baxtiyor Davlatov xotira turniri start oldi“ (2015-yil 26-aprel).
↑ „Baxtiyor Davlatov xotira turniri bo'lib o'tdi“ (2016-yil 30-aprel).
↑ „"Nasaf": Yosh futbolchilarimiz Baxtiyor Davlatov xotira turnirida ishtirok etishadi“ (2017-yil 23-aprel).
↑ „Baxtiyor Davlatov xotira turniri start oldi“ (2018-yil 26-aprel).

Havolalar

Baxtiyor Davlatov Footballfactsru saytida

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[1] „Baxtiyor Davlatovni xotirlab“ (2013-yil 20-avgust).

[2] „Baxtiyor Davlatov xotira turniri start oldi“ (2015-yil 26-aprel).

[3] „Baxtiyor Davlatov xotira turniri bo'lib o'tdi“ (2016-yil 30-aprel).

[4] „"Nasaf": Yosh futbolchilarimiz Baxtiyor Davlatov xotira turnirida ishtirok etishadi“ (2017-yil 23-aprel).

[5] „Baxtiyor Davlatov xotira turniri start oldi“ (2018-yil 26-aprel).

[1]

[2]

[3]

[4]

[5]