"Timeless" — kanadalik qo'shiqchi The Weeknd va amerikalik reper Playboi Cartining qo'shig'i. U 2024-yil 27-sentabrda XO va Republic Records orqali taqdim etilgan. Bu The Weekndning bo'lajak oltinchi studiyaviy albomi, Hurry Up Tomorrowning ikkinchi singli sifatida xizmat qiladi.
Ishbu ikki ijodkor birinchi marta amerikalik qo'shiqchi Madonna bilan birgalikda The Idol saundtrek albomi tarkibidagi "Popular" qo'shig'ida hamkorlik qilishgan[1]. 2024-yil 26-avgustda Carti o‘zining Instagram sahifasida The Weeknd bilan suhbatlashayotgan suratini joylashtirdi va bu bilan ehtimoliy ikkinchi hamkorlikka ishora qildi[2]. 7-sentabr kuni The Weeknd São Paulodagi konsertiga Cartini taklif qilib, "Timeless"[3], Travis Scott va Carti tomonidan yaratilgan "Fein" (2023) qo‘shig‘ining kaver versiyasini, shuningdek, The Weekndning "Until I Bleed Out" (2020) qoʻshigʻini jonli ijroda birgalikda kuyladi[4][5]. Konsertdan so‘ng "Dancing in the Flames" bosh singli chiqdi[6]. 25-sentabr kuni The Weeknd ijtimoiy tarmoqdagi sahifasida musiqiy videodan kadr bilan bo‘lishdi[7]. Postda singl 27-sentabrda taqdim etilishi maʼlum qilingan[8].