Kōta (Aichi)

Kōta
Kōta; 幸田町
	Shaharcha
	; Bayroq ; Gerb
	34°51′52.1″N 137°9′56.9″E / 34.864472°N 137.165806°E
Mamlakat	Yaponiya
Viloyat	Chūbu viloyati
Prefektura	Aichi
Yaponiya tumanlari\|tuman	Nukata
Maydon	56.72 km2 (21.90 kv mi)
Rasmiy til(lar)i	yapon
Aholisi (2019-yil 1-oktyabr)	42 200 kishi
Zichligi	740 kishi/km2
Vaqt mintaqasi	UTC+9:00
Telefon kodi	0564-62-1111
	Kōta

Kōta (yaponcha: 幸田町 Kōta-chō^?) Yaponiyadagi Aichi prefekturasining Nukata tumanida joylashgan shaharchadir. 2019-yil 1-oktyabr holatiga ko‘ra, shaharda 16198 ta xonadonda 42200 nafar aholi istiqomat qiladi^[1] va aholi zichligi har kvadrat kilometrga 744 nafarni tashkil etadi. Shaharning umumiy maydoni 56,72 kvadrat kilometr (21,90 mi²) ga teng.

Etimologiyasi

Shaharning bir qismi 1954-yilgacha Koda deb nomlangan. Buni yaqin atrofdagi Tahara shahrida joylashgan, xuddi shu prefekturadagi Koda (Koda-chō) deb ataladigan tuman bilan adashtirmaslik kerak.

Geografiyasi

Kōta Aichi prefekturasining janubiy markazida joylashgan.

Qoʻshni munitsipalitetlar

Aichi prefekturasi
- Okazaki
- Gamagōri
- Nishio

Demografiyasi

Yaponiya aholini roʻyxatga olish maʼlumotlariga koʻra^[2], Kōta aholisi soni soʻnggi 70 yil ichida oʻsib bormoqda.

Aholining oʻsishi
Yil	Aholi	±%
1940	12,157	—
1950	16,994	+39.8%
1960	16,467	−3.1%
1970	20,456	+24.2%
1980	26,163	+27.9%
1990	31,004	+18.5%
2000	33,408	+7.8%
2010	27,933	−16.4%

Iqlimi

Shahar issiq va nam yoz hamda nisbatan yumshoq qish (Köppen iqlim tasnifi Cfa) bilan ajralib turadigan iqlimga ega. Kōtadagi oʻrtacha yillik harorat 15,5 °C ni tashkil etadi. Yillik oʻrtacha yogʻin miqdori 1575 mm, sentyabr esa eng seryogʻin oy hisoblanadi. Avgustda eng yuqori harorat 27,5 °C atrofida, eng past harorati esa yanvarda, 4,1 °C atrofida boʻladi^[3].

Tarixi

Hozirgi Kōta hududidan yapon paleolit davri qoldiqlari topilgan, bu esa shaharchaning koʻp ming yillik aholi punktlaridan biri ekanligini koʻrsatadi. Jomon davri va Kofun davriga oid qoldiqlar koʻp uchraydi. Bu hudud Ritsuryo tizimi ostidagi gʻarbiy Mikava viloyatining bir qismi boʻlgan va Heyan davrida Ise ziyoratgohi yoki Fujivara urugʻi nazorati ostida shoen tarkibida tashkil etilgan. U Sengoku davrida Ikkō-ikki harakatining markaziga aylantirilgan. Hududning katta qismi Edo davrida Tokugava syogunati hukmronligida Okazaki domenining nazorati ostida boʻlgan va tom plitkalari, sake, oziq-ovqat moylari ishlab chiqarish bilan shugʻullangan. Shahar Tokaido shossesida joylashganligi tufayli gullab-yashnagan. Meiji davrining dastlabki yillarida zamonaviy munitsipalitetlar tizimining tashkil etilishi bilan hudud Aichi prefekturasi Nukata tumanidagi qishloqlardan biriga aylantirildi. Kōda qishlog'i (yaponcha: 広田村^?) 1906-yil 1-mayda uchta kichik qishloqning birlashishi natijasida tashkil topgan. U 1909-yil 28-iyulda Tokaido magistral liniyasida poezd stansiyasining ochilishi bilan oʻz nomining kanji imlosini hozirgi versiyaga oʻzgartirdi. Qishloq 1952-yil 1-aprelda shaharcha maqomiga koʻtarildi. 1954-yil 1-avgustda shahar Hazu tumanidagi sobiq Toyosaka qishlogʻi bilan birlashtirildi va oʻsha paytda u transliteratsiyasini Kōdadan Kōtaga oʻzgartirdi. 1985-yilda yangi shahar hokimiyati qurib bitkazildi.

Iqtisodiyoti

Kōta avtomobil qismlari va elektronika buyumlari ishlab chiqarish markazidir. Toyota va bir qator kompaniyalarning shtab kvartiralari shu yerda joylashgan. Shahardagi eng mashhur fabrikalardan biri Denso hisoblanadi. Shuningdek, Sony, Sakazaki tumanidagi Sony Kohda TEC yirik ilmiy-tadqiqot va ishlab chiqarish majmuasiga ham ega. Qishloq xoʻjaligi issiqxonada yetishtirishga yoʻnaltirilgan boʻlib, asosiy ekin turi qulupnay hisoblanadi.

Taʼlim tizimi

Kotada oltita davlat boshlangʻich maktabi va shahar hukumati tomonidan boshqariladigan uchta davlat oʻrta maktabi hamda Aichi prefekturasi taʼlim kengashi tomonidan boshqariladigan bitta davlat yuqori maktabi faoliyat yuritadi.

Transport

Temir yoʻl

Markaziy Yaponiya temir yoʻl kompaniyasi — Tokaido magistral liniyasi

Sangane • Kōda • Aimi

Magistral yoʻllar

Milliy yoʻnalish 23
Milliy yoʻnalish 248

Qardosh shahar munosabatlari

— Siem Reap, Kambodja^[4]

Kōtalik taniqli odamlari

Matsudaira Ietada, Sengoku davri Daimyosi
Natsume Yoshinobu, Sengoku davri samuraylaridan biri

Galereya

Ike jinja

Kota bunkahiroba iriguchi

Kota bunkahiroba kibounotou

Shosen-ji ziyoratgohi

Saiko-ji ziyortgohi

Manbalar

↑ Kōta Town official statistics (Wayback Machine saytida 2020-09-19 sanasida arxivlangan) (yaponcha)
↑ Kōta population statistics
↑ Kōta climate data
↑ „International Exchange“. List of Affiliation Partners within Prefectures. Council of Local Authorities for International Relations (CLAIR). 2015-yil 24-dekabrda asl nusxadan arxivlangan. Qaraldi: 2015-yil 21-noyabr.

Havolalar

Rasmiy sayti (yaponcha) (with link to pages in English)

[1] Kōta Town official statistics (Wayback Machine saytida 2020-09-19 sanasida arxivlangan) (yaponcha)

[2] Kōta population statistics

[3] Kōta climate data

[International-4] „International Exchange“. List of Affiliation Partners within Prefectures. Council of Local Authorities for International Relations (CLAIR). 2015-yil 24-dekabrda asl nusxadan arxivlangan. Qaraldi: 2015-yil 21-noyabr.

[1]

[2]

[3]

[4]