Abon ibn al-Volid ibn Uqba
| Aban ibn al-Volid ibn Uqba arabcha: أبان بن الوليد بن عقبة بن أبي معيط | |
|---|---|
| Hims, Qinnasrin va Armaniston hokimi | |
|
Mansab davri 684 – 705 |
Abon ibn al-Volid ibn Uqba ibn Abu Muayt (arabcha: أبان بن الوليد بن عقبة بن أبي معيط) – Umaviylar sulolasi aʼzosi, xalifa Marvon I (h. 684—685) va Abdulmalik (h. 685—705) hukmronligi davrida Hims, Qinnasrin (Jazira bilan) va Armaniston hokimi boʻlib xizmat qilgan[1]. Ukasi Usmon Armanistonda uning oʻrinbosari boʻlgan yoki mustaqil hokim sifatida xizmat qilgan boʻlishi mumkin. Uning yana bir oʻrinbosari Dinor ibn Dinor 694/695-yilda vizantiyaliklarni magʻlubiyatga uchratgan [1].
Taxminan 688/689-yillarda Abdulmalik Abonga Qays qabilasi boshligʻi Zufar ibn al-Horis al-Kilobiy tomonidan koʻtarilgan qoʻzgʻolonni bostirish vazifasini topshirgan. Zufar Furot daryosi boʻyidagi mustahkam strategik nuqta hisoblanuvchi al-Qarqisiyadan turib xalifaning Iroqni bosib olish rejasiga doimiy ravishda toʻsqinlik qilib kelayotgan edi. Oʻsha vaqtda Iroqni Mus’ab ibn al-Zubayr akasi Abdulloh nomidan boshqarar edi. Abdulloh xalifa Abdulmalikning raqibi edi. Zufar Ibn az-Zubayrning hukmronligini tan olgan va 685/686-yillarda Umaviylar qoʻmondoni Ubaydulloh ibn Ziyodni magʻlub etgan. Abon Zufarni jangda magʻlubiyatga uchratgan. Ushbu jangda Zufarning oʻgʻillaridan biri ham oʻldirilgan[2].
Yana qarang
[tahrir | manbasini tahrirlash]- Uqba ibn Abu Muayt – bobosi.
- Al-Volid ibn Uqba – otasi.
- Al-Volid ibn Hishom al-Muaytiy – jiyani.
Manbalar
[tahrir | manbasini tahrirlash]- ↑ 1,0 1,1 Crone 1980.
- ↑ Dixon 1971.
Adabiyotlar
[tahrir | manbasini tahrirlash]- Crone, Patricia. Slaves on Horses: The Evolution of the Islamic Polity. Cambridge: Cambridge University Press, 1980. ISBN 0-521-52940-9.
- Dixon, 'Abd al-Ameer. The Umayyad Caliphate, 65–86/684–705: (A Political Study). London: Luzac, 1971. ISBN 978-0718901493.