„1941—1945-yillardagi Ulugʻ Vatan urushidagi Gʻalabaning 70 yilligi“ yubiley medali

„1941—1945-yillardagi Ulugʻ Vatan urushidagi Gʻalabaning 70 yilligi“ yubiley medali
Mamlakat	Rossiya, Andoza:Flag of the CIS.svg
Turi	esdalik medal
Kimga topshiriladi	medal toʻgʻrisidagi nizomga muvofiq Ulugʻ Vatan urushi qatnashchilari
Holati	qoʻllanilmaydi
Statistika
Koʻrsatkichlari	diametri-32mm lenta kengligi-24mm
Taʼsis sanasi	2013-yil 21-dekabr
Mukofotlash soni	taxminan 2 500 000
Navbat
Toʻngʻich mukofot	„1941-1945-yillardagi Ulugʻ Vatan urushidagi Gʻalabaning 65 yilligi“ yubiley medali
Kenja mukofot	“1941-1945-yillardagi Ulugʻ Vatan urushidagi Gʻalabaning 75 yilligi“ yubiley medali
VikiOmborda „1941—1945-yillardagi Ulugʻ Vatan urushidagi Gʻalabaning 70 yilligi“ yubiley medali

„1941—1945-yillardagi Ulugʻ Vatan urushidagi Gʻalabaning 70 yilligi“ yubiley medali — Rossiya Federatsiyasining davlat esdalik medali. 2013-yil 21-dekabrda Rossiya Federatsiyasi Prezidentining  931-sonli farmoni bilan 1941-1945- yillardagi Ulugʻ Vatan urushida qozonilgan gʻalabaning 70 yilligiga bagʻishlab taʼsis etilgan. 2013-yil 25-oktabrda MDH ga aʼzo davlatlar rahbarlari kengashining qarori bilan MDH davlatlarining „1941-1945-yillardagi Ulugʻ Vatan urushidagi Gʻalabaning 70 yilligi“ yagona esdalik medali taʼsis etildi.

Medal toʻgʻrisidagi nizom

• SSSR Qurolli Kuchlari saflarida Ulugʻ Vatan urushi davrida jangovor harakatlarda qatnashgan harbiy xizmatchilar va fuqarolar , SSSRning vaqtincha bosib olingan hududlarida Ulugʻ Vatan urushi yillarida faoliyat yuritgan partizanlar va yashirin tashkilotlarning aʼzolari, „1941-1945-yillardagi Ulugʻ Vatan urushida Germaniya ustidan qozonilgan gʻalaba uchun“, „Yaponiya ustidan qozonilgan gʻalaba uchun“ medallari bilan taqdirlangan va guvohnomasiga ega boʻlgan shaxslar yoki 1941-1945-yillardagi Ulugʻ Vatan urushida qatnashganligini tasdiqlovchi guvohnomaga ega boʻlgan shaxslar;
• Ulugʻ Vatan urushi yillarida fidokorona mehnati uchun SSSR ordenlari, „1941-1945-yillardagi Ulugʻ Vatan urushidagi jasoratli mehnati uchun“ medallari bilan taqdirlangan front mehnatkashlari „Mehnatdagi jasorati uchun“, „Mehnatdagi faxriy xizmati uchun“, „Leningrad mudofaasi uchun“, „Moskva mudofaasi uchun“, „Odessa mudofaasi uchun“, „Sevastopol mudofaasi uchun“ medali, „Stalingrad mudofaasi uchun“, „Kiyev mudofaasi uchun“, „Kavkazni himoya qilgani uchun“, „Sovet Arktikasini mudofaasi uchun“ meadallari shuningdek „Qamaldagi Leningrad aholisi“ koʻkrak nishoni bilan taqdirlangan shaxslar yoki „1941-1945-yillardagi Ulugʻ Vatan urushidagi jasoratli mehnati uchun“ medallari bilan taqdirlangan va guvohnomasiga ega boʻlgan shaxslar;
• 1941-yil 22-iyundan 1945-yil 9-maygacha kamida olti oy ishlagan shaxslarga,SSSRning vaqtincha bosib olingan hududlarida ishlagan davr bundan mustasno;
• Ikkinchi jahon urushi davrida natsistlar va ularning ittifoqchilari tomonidan yaratilgan kontslagerlar, gettolar va boshqa qamoqxonalarning voyaga etmagan sobiq asirlar ;
• SSSR Qurolli Kuchlari saflarida partizan otryadlari, yer osti guruhlari, boshqa antifashistik va harbiy milliy tuzilmalar tarkibida jang qilgan Mustaqil Davlatlar Hamdoʻstligiga aʼzo boʻlmagan xorijiy davlatlarning fuqarolari. Ulugʻ Vatan urushidagi Gʻalabaga katta hissa qoʻshgan va SSSR yoki Rossiya Federatsiyasining davlat mukofotlari bilan taqdirlangan shaxslar „1941-1945- yillardagi Ulugʻ Vatan urushidagi gʻalabaning 70 yilligi“ yubiley medali bilan taqdirlangan.

Medalning tavsifi

"1941-1945- yillardagi Ulugʻ Vatan urushidagi gʻalabaning 70 yilligi" yubiley medali diametri 32mm kumush rangli metall qotishmasidan tayyorlangan Uning old tomonida asl nusxaga toʻliq mos ravishda „Vatan urushi ordeni“koʻkrak nishonining tasviri mavjud. Yulduzning ichki qismi qizil emal bilan toʻldirilgan. Ichki halqa oq emal bilan yozuvlar, oʻroq, bolgʻa, miltiq va qirgʻoq bilan bezatilgan. Yulduzining pastki nurlari orasida „1945“ va „2015“ raqamlari joylashgan. Orqa tomonda oʻrtada: " 1941-1945-yillardagi Ulugʻ Vatan urushidagi Gʻalabaning 70 yilligi  " yozuvi va yozuv dafna gulchambariga oʻralgan boʻlib, uning shoxlari tagida lenta bilan bogʻlangan. Medalning chekkalari rom bilan chegaralangan. Medaldagi barcha tasvirlar, yozuvlar va raqamlar naqshinkor qilingan. Koʻz va halqa yordamida medal beshburchak blogga tutashib, toʻq qizil rangli shoyi muar tasmasi bilan qoplangan. Lenta kengligi — 24 mm. Lentaning oʻrtasida 3 mm kenglikdagi qizil chiziq bor. Lentaning chetlari boʻylab uchta qora chiziq va ikkita toʻq sariq chiziq, har biri 1 mm kengligida. Qora chiziqlar kengligi 0,5 mm boʻlgan toʻq sariq rangli chiziqlar bilan chegaralangan.

MDHda medal

2013 -yil 25-oktabrda MDHga aʼzo davlatlar rahbarlari kengashining qarori bilan yagona esdalik medali va u toʻgʻrisidagi nizom hamda uning tavsifi tasdiqlandi. Qarorni Ozarbayjon , Armaniston , Belarus , Qozog'iston , Qirg'iziston , Moldova , Rossiya Federatsiyasi , Tojikiston , O'zbekiston va Ukraina davlatlari imzoladi. Shu bilan birga, bir qator davlatlar shartlar bilan qaror imzoladilar: Moldova oʻroq va bolgʻa tasvirini istisno qilgan holda yubiley medalini ishlab chiqarishda oʻz dizayniga amal qiladi; Ukraina Vatan urushi ordeni tasvirini rang-barang qilishdan bosh tortdi (2015-yil aprel oyida Ukraina davlati shartnomani bekor qildi, medalni „Natsizm ustidan gʻalabaga 70 yil“ mukofoti bilan almashtirdi). Medalning alohida dizayni Isroilda ham qabul qilingan ammo u MDH mukofotiga hech qanday aloqasi yoʻq.

Havolalar

• Ukaz Prezidenta Rossiyskoy Federatsii ot 21-dekabrya 2013 goda № 931 "O yubileynoy medali „70 let Pobedi v Velikoy Otechestvennoy voyne 1941—1945 gg.“"
• Organi SNG / Informatsiya ob organax SNG / Sovet glav gosudarstv / Prinyatie resheniya / 2013 god / o edinoy yubileynoy nagrade, uchrejdyonnoy k 70-y godovщine Pobedi sovetskogo naroda v Velikoy Otechestvennoy voyne 1941—1945 godov
• Video-reportaj ob izgotovlenii dannix medaley na predpriyatii „Russkie remyosla“