Yuragim
| „Yuragim“ | |
|---|---|
| „Dado“ qoʻshigʻi | |
| „Y?“ albomidan | |
| Chiqarilgan sanasi | 2000 |
| Davomiyligi | 4:12 |
| Klipi | |
| „Yuragim“ YouTubeda | |
„Yuragim“ (toʻliq nomi Yuragim (Happy Birthday)) — „Dado“ oʻzbek dueti ijro etgan qoʻshiq. 2000-yil guruhning „Y?“ deb nomlangan ilk studiyaviy albomining beshinchi singli oʻlaroq chiqarilgan[1]. Qoʻshiq pop musiqa janrida boʻlib, 2000-yillarning birinchi yarmida Oʻzbekistonda hamda qoʻshni respublikalarda eng keng ommalashgan xitlar safiga kiradi[2].
„Yuragim“ qoʻshigʻi lya-bemol tonalligida kuylangan. Ashulaning bandlari davomida akustik gitara yordamida chalingan riff tinglovchilarga yaxshi tanish. Qoʻshiq asosan oʻzbek tilida kuylangan, ammo ikkinchi naqoratdan keyingi oʻtish ingliz va rus tillarida ijro etilgan.
Qoʻshiqning ikki xil versiyasi mavjud. Eng keng tarqalgan versiya gitarada ijro etilgan kuy bilan boshlanadi. Ikkinchi versiya esa vokal bilan boshlanadi. Shuningdek, bu versiyada ikkinchi naqoratdan keyin ingliz va rus tillarida kuylangan oʻtish hamda yakuniy naqorat shoʻx disko musiqa janrida ijro etilgan.
„Dado“ guruhi 2008-yilda oʻz faoliyatini tugatganidan keyin toʻrt yil oʻtib chiqarilgan, 7-trekdan iborat „Kosmonavti“ (ruscha: Коcмонавты) maksi-singli bilan „Yuragim“ qoʻshigʻining remiksi eʼlon qilingan.
Manbalar
[tahrir | manbasini tahrirlash]- ↑ „Y? by Dado on Apple Music“. Apple Music. Qaraldi: 15-iyun 2022-yil.
- ↑ „“Ал-вакил”, “Сетора”, “Уммон”: ўз даврида шуҳрат қозониб, сўнг тарқалиб кетган гуруҳлар (фото ва видео)“. Perepost (26-fevral 2022-yil). Qaraldi: 15-iyun 2022-yil.
