Sulton Segizboyev

Sulton Segizboyev
qozoqcha: Сұлтан Сегізбаев
Oʻzbekiston SSR Xalq Komissarlari Soveti Raisi
Mansab davri 1937-yil oktabr – 1938-yil iyulgacha
Oʻtmishdoshi	Abdulla Karimov
Vorisi	Abdujabbor Abdurahmonov
VKP(b) Qozogʻiston KP(b) Shimoliy Qozogʻiston viloyat ijroiya qoʻmitasining Birinchi kotibi
Mansab davri 1937-yil 3-aprel – noyabrgacha
Oʻtmishdoshi	Maksim Ammosov
Vorisi	Nikolay Kuznetsov
Turkiston KP(b) MQ Fargʻona viloyat ijroiya qoʻmitasi masʼul kotibi
Mansab davri 1923-yil avgust – oktabrgacha
Oʻtmishdoshi	Vasiliy Burov-Petrov
Vorisi	Abdulla Karimov
Shaxsiy maʼlumotlari
Tavalludi	1899-yil oktabr Jagʻalbayli ovuli, Toshkent uyezdi, Sirdaryo viloyati, Rossiya imperiyasi
Vafoti	1939-yil 25-fevral Moskva, SSSR
Fuqaroligi
Millati	qozoq
Mukofotlari

Sulton Segizboyev (1899.15.7, hozirgi Oqqoʻrgʻon tumani — 1938.15.6) — siyosat va jamoat arbobi. Avval qishloq maktabida, soʻng Toshkent gimnaziyasida oʻqigan. Iqtisod fanlari boʻyicha professor (1930). Segizboyev 1916-yil Turkistondagi milliy ozodlik harakatida qatnashgan. 1918-yildan xoʻjalik sohasida rahbarlik lavozimlarida. Turkiston oʻlka "Qoʻshchi" tashkiloti masʼul kotibi (1921—22). Fargʻona viloyati partiya komiteti kotibi (1923), Turkiston KP MK tashkiliy boʻlimi mudiri, Toshkent uyezdi partiya komiteti kotibi (1924). Ukraina Starobelsk okrug partiya komiteti yoʻriqchisi (1925). 1925—30 yillarda Qizil professura instituti (Moskva)da oʻqigan, shu institut huzuridagi kechki universitet dekani. Butunittifoq qishloq xoʻjaligi akademiyasining Oʻrta Osiyo filiali va Paxtachilik instituti direktori, Oʻrta Osiyo universitetida kafedra mudiri (1930—31). VKP (b) Qozogʻiston oʻlka komitetida boʻlim mudiri (1932—36), Shimoliy Qozogʻiston viloyat partiya komiteti 1kotibi (1937). Oʻzbekiston XKS raisi, SSSR Oliy Soveti Ittifoq Soveti raisi oʻrinbosari (1937—38). Gazeta, jurnalarga muharrirlik qildi, iqtisod va tarixga oid koʻplab maqolalar yezdi. 1938-yil Toshkentda qamoqqa olinib, qatagʻon qilindi. Oʻlimidan soʻng oqlandi. Segizboyev xotirasi abadiylashtirilgan. Oqqoʻrgʻon tumanidagi shirkat xoʻjaliklari (2 ta), maktab, mahalla, koʻcha, Mirzachoʻl tumanidagi shirkat xoʻjaligi, Guliston shahridagi tibbiyot kolleji, Toshkent shahridagi koʻchalardan biri uning nomi bilan ataladi, Mirzachoʻl va Oqqoʻrgʻon tumanlarida Segizboyev byusti oʻrnatilgan.

Adabiyot

• Oʻzbekiston tarixi (1917—1991-yil), T., 2000; Muhiddinova F.P., Hasanov Q. Sulton Segizboyev, T., 1978.