Mixail Romanov (general)
| Mixail Yakovlevich Romanov | |
|---|---|
 | |
| Tavalludi |
15-oktyabr 1848-yil Oryol, Rossiya imperiyasi |
| Vafoti |
15-sentyabr 1915-yil (66 yoshda) Odessa, Rossiya imperiyasi |
| Fuqaroligi | Rossiya imperiyasi |
| Unvoni | Piyoda qoʻshinlari generali |
| Jang/urush | Rossiya-Turkiya urushi (1877-1878) |
| Mukofotlari |
   |
Mixail Yakovlevich Romanov (1848—1915) – rus piyoda qoʻshinlari generali, Oqmoʻla va Sirdaryo viloyatlari harbiy gubernatori. ZSOIRGO aʼzosi (1902).
Hayoti
[tahrir | manbasini tahrirlash].jpg)
1848-yil 15-oktyabrda tugʻilgan. Mixail Romanov 1867-yilda Pavlovsk harbiy maktabini tugatgandan soʻng ikkinchi leytenant darjasini oldi va Yeles 33-piyoda polkiga tayinlandi. 1871-yilda u leytenant unvonini oldi.
Bosh shtab akademiyasini 2-daraja bilan tamomlagach, 33-Yeles piyodalar polkida rota komandiri lavozimida xizmat qilgan.
1875-yildan boshlab u 34-piyoda diviziyasi shtab-kvartirasining katta ad’yutanti etib tayinlandi. Mixail 1877-yilda shtab kapitanligiga koʻtarildi. Rossiya-Turkiya urushining ishtirokchisi hisoblanadi.
1878-yil 5-yanvardan 4-iyulgacha u 7-chi armiya korpusi shtab-kvartirasining katta adyutanti, 1878-yil iyuldan 7 va 8-chi armiya korpuslari shtab-kvartiralarida maxsus topshiriqlar boʻyicha ofitser boʻlgan. 1879-yilda kapitan lavozimiga koʻtarildi.
1882-yilda u podpolkovnik unvonini oldi va Omsk harbiy okrugi qoʻmondonligida maxsus topshiriqlar boʻyicha lavozimga tayinlandi.
1882-yil oktyabrdan u 8-Gʻarbiy Sibir miltiq batalyoniga qoʻmondon etib tayinlandi. 1887-yildan 18-Turkiston miltiq bataloni qoʻmondoni, 1888-yilda polkovnik unvoni berilgan. 1897-yil 9-mayda 41-piyoda diviziyasining shtab boshligʻi etib tayinlandi. 1898-yil 21-yanvardan 14-avgustgacha 162-Axal piyoda polkining komandiri boʻlgan.
Romanov 1898-yil 14-avgustda xizmatdagi faoliyati uchun 1762-yil 18-fevraldagi Manifestga asosan (keyinchalik 1899-yil 2-aprelda yangilangan) general-mayor unvoniga sazovor boʻldi va Amur harbiy okrugi boshligʻining yordamchisi etib tayinlandi. 1901-yil 7-maydan 1902-yil 17-fevralgacha 3-piyoda Sibir brigadasining boshligʻi, keyin esa Sibir harbiy okrugi shtab boshligʻi etib tayinlandi.
1903-yil 1-yanvarda Oqmoʻla viloyati harbiy gubernatori, 1905-yil 6-dekabrda esa general-leytenant unvonini oldi[1]. 1906-yil 3-avgustdan Sirdaryo viloyati harbiy gubernatori. 1911-yil 20-yanvarda piyodalar generali unvoniga koʻtarildi.
Mixail isteʼfoga chiqqanidan soʻng Odessaga ketdi[2].
1915-yil 15-sentyabrda Odessada vafot etdi. Odessadagi Ikkinchi nasroniy qabristoniga dafn etilgan (31-uchastka).
Mukofotlari
[tahrir | manbasini tahrirlash]- 3-darajali Muqaddas Stanislav ordeni (1875);
- 3-darajali Sankt-Anne ordeni (1879);
- 2-darajali Muqaddas Stanislav ordeni (1882);
- 2-darajali Sankt-Anne ordeni (1886);
- 4-darajali Muqaddas Vladimir ordeni (1893);
- 3-darajali Muqaddas Vladimir ordeni (1896);
- 1-darajali Muqaddas Stanislav ordeni (1901);
- 1-darajali Sankt-Anne ordeni (1905).
Manbalar
[tahrir | manbasini tahrirlash]- ↑ „Из поездок акмолинского военного губернатора ген.-м. Романова по вверенной ему области. 5/7“. www.rus-turk.livejournal.com. Qaraldi: 5-sentabr 2023-yil.
- ↑ Вся торгово-промышленная Одесса на 1914 г. - Одесса: И.И. Моргулис, 1914. — с. 47
Adabiyotlar
[tahrir | manbasini tahrirlash]- Волков С. В. Генералитет Российской империи. Энциклопедический словарь генералов и адмиралов от Петра I до Николая II. Том II. Л—Я. М., 2009. — С. 690
- Список генералов по старшинству по 6 января 1907 года, СПб. — 1039 с.
- Список генералов по старшинству по 1 сентября 1904 года, СПб. — 1384 с