Oʻzbekiston Milliy tiklanish demokratik partiyasi

Partiya tarixi

Oʻzbekiston „Milliy tiklanish“ demokratik partiyasi (OʻzMTDP)
Yetakchi	Alisher Qodirov AlisherQodirov
Tashkil etilgan	3-iyun, 1995-yil(1995-06-03)
Shtab kvartiralari	Toshkent (Oʻzbekiston) Milliy tiklanish partiyasi binosi
Shiori	Qadriyatlarga tayangan taraqqiyot!
Qonunchilik palatasidagi oʻrinlar	29 / 120 (I chaqiriq) 31 / 150 (II chaqiriq) 36 / 150 (III chaqiriq) 36 / 150 (IV chaqiriq)
Vebsayt	mt.uz

Oʻzbekiston „Milliy tiklanish“ demokratik partiyasi (OʻzDP) – Oʻzbekistondagi siyosiy partiyalardan biri. 1995-yilning 3-iyunida boʻlib oʻtgan taʼsis qurultoyida tashkil topgan.

OʻZBEKISTON „MILLIY TIKLANISH“ DEMOKRATIK PARTIYASINING SOLNOMASI

1995-yil 3-iyun kuni Oʻzbekiston „Milliy tiklanish“ demokratik partiyasining taʼsis qurultoyi qarori bilan partiya tashkil etildi.

1995-yil 10-iyun kuni „Milliy tiklanish“ gazetasining ilk soni chop etildi.

1999-yil 4-yanvar kuni Oʻzbekiston Fidokorlar milliy demokratik partiyasi (Fidokorlar MDP) tashkil etilgan.

1999-yil 4-fevralda „Fidokor“ – ijtimoiy-siyosiy gazetasining dastlabki soni chop etildi.

2008-yil 20-iyun kuni Oʻzbekiston „Milliy tiklanish“ demokratik partiyasi va „Fidokorlar“ milliy demokratik partiyasining birlashuv qurultoyida ikki partiya negizida yangi Oʻzbekiston „Milliy tiklanish“ demokratik partiyasi (OʻzMTDP) tashkil etildi.

2008-yil 11-avgust kuni OʻzMTDP Oʻzbekiston Respublikasi Adliya vazirligidan roʻyxatdan oʻtdi.

2008-yil 13-avgust kuni Oʻzbekiston „Milliy tiklanish“ demokratik partiyasi va Oʻzbekiston „Fidokorlar“ milliy demokratik partiyasi fraksiyalarining qoʻshma taʼsis yigʻilishi boʻlib oʻtdi va Oliy Majlis Qonunchilik palatasidagi OʻzMTDPning yangi fraksiyasi tuzildi.

2008-yil 9-sentyabrdan hududlarda OʻzMTDP hududiy partiya tashkilotlarining taʼsis Konferensiya va Plenumlari oʻtkazildi. Ularda Kengash, Nazorat-taftish komissiyasi, Kengash Ijroiya qoʻmitasi tarkibi tasdiqlandi hamda Ijroiya qoʻmitasi raisi va uning oʻrinbosarlari saylandi. Shuningdek, joylarda tuman (shahar) partiya tashkilotlarining taʼsis Konferensiya va Plenumlari oʻtkazilib, Kengash, Kengash Ijroiya qoʻmitasi tarkibi tasdiqlandi hamda Ijroiya qoʻmitasi raislari saylandi.

2009 yil 27 dekabrda – OʻzMTDP Oliy Majlis Qonunchilik palatasi hamda Xalq deputatlari mahalliy Kengashlarga boʻlib oʻtgan saylovlarda Oliy Majlis Qonunchilik palatasiga – 31 nafar, Xalq deputatlari mahalliy Kengashlarga 954 nafar deputat saylandi.

2014 yil 27 dekabrda – OʻzMTDP Oliy Majlis Qonunchilik palatasi hamda Xalq deputatlari mahalliy Kengashlarga boʻlib oʻtgan saylovlarda Oliy Majlis Qonunchilik palatasiga – 36 nafar, Xalq deputatlari mahalliy Kengashlarga 1105 nafar deputat saylandi.

2015-2016-2021-yillarda partiya Oʻzbekiston Respublikasi Prezidenti saylovlarida ishtirok etgan. Prezidentlikka Akmal Saidov, Sarvar Otamuratov va Alisher Qodirovlar partiyadan nomzod sifatida koʻrsatilgan.

2019 yil 24 dekabrda – OʻzMTDP Oliy Majlis Qonunchilik palatasi hamda Xalq deputatlari mahalliy Kengashlarga boʻlib oʻtgan saylovlarda Oliy Majlis Qonunchilik palatasiga – 36 nafar, Xalq deputatlari mahalliy Kengashlarga 1266 nafar deputat saylandi.

2022 yil 1 aprel holatiga partiya aʼzolar soni 358 377 nafarni tashkil etadi. Ulardan 48 foizi yoshlar, 44 foizi xotin-qizlardir.

2022 yil 1 aprel holatiga koʻra, partiya 14 ta hududiy (Qoraqalpogʻiston Respublikasi, viloyatlar va Toshkent shahar), 32 ta shahar 175 ta tuman Kengashlariga hamda 7032 ta boshlangʻich partiya tashkilotlariga ega.

= "Milliy tiklanish" demokratik partiyasi ramzi =

• 
  "Milliy tiklanish" demokratik partiyasi ramzi

= "Milliy tiklanish" demokratik partiyasi ramzining tavsifi quyidagicha:

Yashil rangdagi yarim oy, unumdor zaminimiz bilan birga muqaddas qadriyatlarimizga ishora.

Moviy rangdagi zamin xalqimizning halol va pok ruhiyati nishonasi.

Simurgʻ qushi – Alisher Navoiyning "Lison ut-tayr" asaridan olingan farovonlik va tiklanish ramzi boʻlib, fikrlar va gʻoyalar turli boʻlsa ham yagona maqsad yoʻlida birlashishga chaqiradi.

Navoiy dunyoning turli joylariga farovonlik qushi Simurgʻni izlab, xarob boʻlgan oʻttiz qush uni izlamasdan birlashganlarida Simurgʻ (oʻttiz qush-forscha) ularning birlashgan holati ekanligini taʼkidlaydi.

Partiya ramzi barakali Oʻzbekiston zaminida, milliy va umuminsoniy qadriyatlarga tayanib, halol va bagʻrikeng xalqimizni yagona maqsad yoʻlida birlashtirish maqsadlarini ifoda etadi.

2020-2024-yillarga moʻljallangan saylovoldi dasturi

• 

Partiya raislari

1	Qayumov Azizxon Poʻlatovich	Filologiya fanlari doktori, professor, Oʻzbekiston Respublikasi Fanlar akademiyasi akademigi 1995 – 1996-yillar „Milliy tiklanish“ demokratik partiyasi raisi boʻlgan.
2	Gʻafurov Ibrohim Usmonovich	Oʻzbekiston Qahramoni, Oʻzbekiston Respublikasi sanʼat arbobi 1996 – 2004-yillar „Milliy tiklanish“ demokratik partiyasi raisi boʻlgan.
3	Doʻstmuhammedov Xurshid Nabiyevich	Filologiya fanlari doktori, "Oʻzbekiston Respublikasida xizmat koʻrsatgan madaniyat xodimi" 2004 – 2008-yillar „Milliy tiklanish“ demokratik partiyasi raisi boʻlgan.
4	Tursunov Axtam Salomovich	Yuridik fanlari doktori, professor 2008 – 2013-yillar Milliy tiklanish" demokratik partiyasi raisi boʻlgan.
	Otamuratov Sarvar Sadullayevich	Sotsiologiya fanlari doktori, dotsent 2013-2019-yillar Milliy tiklanish" demokratik partiyasi raisi boʻlgan.
5	Qodirov Alisher Keldiyevich	Oliy Majlis Qonunchilik palatasi Spikeri oʻrinbosari, „Milliy tiklanish“ demokratik partiyasi Markaziy kengashi raisi 2019-yildan hozirga qadar.

Aʼzolar soni

Dastur amalda

• 
• 
• 
• 
• 
• 
• 
• 
• 
• 

Partiya gazetasi

„Milliy tiklanish“ gazetasi „Milliy tiklanish“ demokratik partiyasining ijtimoiy-siyosiy nashri sanaladi.

Gazetada „Milliy tiklanish“ demokratik partiyasi, shuningdek, partiyadan saylangan barcha darajadagi deputatlar faoliyati keng yoritiladi. Yaʼni, partiya markaziy nashri orqali gʻoya va maqsadlari, vazifalarini keng targʻib etib, jamoatchilikni bu borada amalga oshirilayotgan ishlari bilan tanishtirib kelmoqda.

„Milliy tiklanish“ gazetasi Yangi Oʻzbekiston islohotlari hamda gazetxonlarning talab va takliflaridan kelib chiqib, ham mazmunan, ham shaklan keskin oʻzgardi.

Gazetada bugun partiya gʻoyalaridan kelib chiqib, milliy va umuminsoniy qadriyatlarni asrash, Davlat tili maqomini mustahkamlash, tarix, madaniyat va sanʼat, maʼnaviy va maʼrifiy sohalarda amalga oshirilayotgan ishlar ham keng yoritilyapti. Ijtimoiy hayotdagi muammo va kamchiliklar tahlili oid tanqidiy maqolalari bilan gazeta yanada ommalashmoqda.

Nashr Bosh muharriri: Mirodil Abdurahmonov.

Fotolavhalar

• 
• 
• 
• 
• 
• 
• 
• 
• 

Manzil

100001, Toshkent sh., Maqsud Shayxzoda koʻchasi, 1A-uy

+998 71 239 45 77

Manbalar

• Siyosiy partiyalar haqida