Lila Latrus
| Lila Latrus | |
|---|---|
| Shaxsiy maʼlumotlari | |
| Jinsi | Ayol |
| Tavallud paytidagi ismi | arabcha: ليلى العتروس |
| Fuqaroligi |
 Jazoir |
| Tavallud sanasi | 15-iyul 1979-yil |
| Sport | |
| Qaysi sport | Dzudo |
Lila Latrus (arabcha: ليلى العتروس) — yengil vazn toifasidagi jazoirlik dzyudochi. U 1998—2009-yillarda dzyudo boʻyicha Jazoirning milliy terma jamoasida bahs olib borgan, toʻrt karra Afrika chempioni, Butunafrika oʻyinlari chempioni, Oʻrtayer dengizi oʻyinlarining bronza medali sohibasi, ikkita yozgi Olimpiya oʻyinlari ishtirokchisi.
Tarjimai hol
[tahrir | manbasini tahrirlash]Lila Latrus 1979-yil 15 iyulda dunyoga keladi.
U 1998-yilgi mavsumda birinchi marta, Jazoir milliy terma jamoasining asosiy tarkibiga kirganida va Parijdagi Jahon chempionatida ishtirok etganda dzyudo boʻyicha kattalar oʻrtasidagi xalqaro miqyosdagi debyutini amalga oshiradi.
2000-yilda u Jazoirda oʻtkazilgan Afrika uy chempionatida yettinchi oʻrinni egallaydi.
2003-yilda u Tunisdagi xalqaro turnirda kumush medalga sazovor boʻladi, Osakada boʻlib oʻtgan jahon chempionatidagi bahsi e’tiborga olinadi va ushbu musobaqada yengil vazn toifasida 1/16 finalgacha bora oladi.
2004-yilda Tunisdagi Afrika chempionatida u turnir jadvalidagi barcha raqiblarini magʻlub etadi va shu tariqa oltin medalni qoʻlga oladi. Qator muvaffaqiyatli ishtiroki tufayli u Afinadagi Yozgi Olimpiya oʻyinlarida mamlakat sharafini himoya qilish huquqiga ega boʻladi. Biroq 57 kg gacha boʻlgan vazn toifasidagi dastlabki bahsda u xitoylik Lyu Yuysyanga imkoniyatni boy beradi va shu zahoti medallar uchun kurashdan mahrum etiladi.
2005-yilda u Port-Elizabetdagi Afrika chempionatida gʻalabaga erishadi, Qohiradagi jahon chempionatida nemis vakili Ivonn Byonish va rossiyalik Olga Soninalarga magʻlub boʻladi.
2006-yilda u Tunisdagi xalqaro turnirda gʻalaba qozonib, Suvondagi talabalar jahon chempionatida bronza medali sovrindoriga aylanadi.
Lila Latrus 2007-yilda Jazoirdagi Butunafrika uy oʻyinlarida yengil vazn toifasida birinchi oʻrinni egallaydi. Bundan tashqari, u Korridoniya va Tunisdagi xalqaro turnirlarda gʻolib chiqadi, Marseldagi turnirda bronza medali sohibasi boʻladi. Rio-de-Janeyrodagi jahon chempionatida ishtirok etadi[1].
U 2008-yilda Agadirdagi Afrika chempionatida gʻolib chiqdi va Pekin Olimpiadasi saralash bosqichidan muvaffaqiyatli oʻtadi. Bu safar 57 kg vazn toifasida u ikkita bahs oʻtkazadi: birinchi xitoylik Syuy Yanga, keyin finlandiyalik dzyudochi Nina Koyvumyakiga imkoniyatni qoʻldan boy beradi[2].
Latrus Pekin Olimpiadasidan soʻng bir muncha vaqt Jazoir dzyudo jamoasi tarkibida qoladi va yirik xalqaro turnirlarda jang olib borishda davom etadi. Shunday qilib, 2009-yilda u Mavrikiydagi Afrika chempionatida gʻalabaga yuz tutadi. shu tariqa dzyudo boʻyicha Afrikaning toʻrt karra chempionligiga erishadi va Peskardagi Oʻrtayer dengizi oʻyinlarida yengil vazn toifasida ishtirok etib, bronza medalini olib qaytadi. Lila Rotterdamda oʻtkazilgan jahon chempionatida ham bahs olib boradi, ammo sovrindorlar qatoridan joy ololmaydi. Ushbu musobaqalar tugaganiga koʻp boʻlmay, Latrus sport faoliyatini yakunlashga qaror qiladi[3].
Manbalar
[tahrir | manbasini tahrirlash]- ↑ Aflou, Lyes. „All Africa games: Algeria shines in judo, swimming“. Magharebia (2007-yil 15-iyul). 2016-yil 4-martda asl nusxadan arxivlangan. Qaraldi: 2012-yil 23-dekabr.
- ↑ „Women's Lightweight (57kg/125 lbs) Repechage“. NBC Olympics. 2012-yil 21-avgustda asl nusxadan arxivlangan. Qaraldi: 2012-yil 23-dekabr.
- ↑ Haouchine, Mohamed. „Jeux méditerranéens de Pescara: Tomber de rideau ce soir“ (fr). Libertie Algerie (2009-yil 5-iyul). Qaraldi: 2012-yil 23-dekabr.[sayt ishlamaydi]
Havolalar
[tahrir | manbasini tahrirlash]- Lila Latrus — judoinside.com profili
- Lila Latrus — Sports-Reference.com saytida Olimpiya o'yinlari statistikasi
- Lila Latrus (inglizcha) — Xalqaro Olimpiya qo'mitasi veb-saytidagi sahifa