Grumbat

Grumbat (4-asr) — qadimda Turonzaminning shim.da yashagan xioniylar podshosi. Mil. 353 yilda xioniylar Grumbat boshchiligida Sugʻdga bostirib kiradilar. Soʻngra ular Oʻrta Osiyoga siyosiy tazyiqi kuchayib borayotgan Sosoniylar davlati bilan toʻqnashib, Shopur II ni yengganlar. Mil. 356 y. Shopur II Amid (Suriya) sh.ni qamal qilgan paytda Grumbat ugli bilan unga ittifoqchi sifatida qatnashgan. Rim tarixchisi Ammian Marsellin (4-asr) ning yozishicha, bu jangda xioniylar shahzodasi, Grumbatning oʻgʻli halok boʻlgan.

Adabiyotlar

• OʻzME. Birinchi jild. Toshkent, 2000-yil