Fahriye Evcen

Fahriye Evcen
Tavalludi	4-iyun 1986-yil Solingen, Dyusseldorf
Fuqaroligi	Turkiya Olmoniya
Kasbi	Aktrisa

Faxriye Evcen Ozchivit (turkcha: Fahriye Evcen Özçivit; tugʻ. 1986 -yil 4-iyun, Solingen) — turk kino va televideniye aktrisasi.

Hayoti

Fahriye 1986 -yil 4-iyunda Shimoliy Reyn-Vestfaliyaning Solingen shahrida Salonikida hijrat qilgan turk Ramazon Evgen va cherkes Hatima Evgenning qizi boʻlib tugʻilgan. Fahriyening bolalik yillari Solingendagi barcha turklar uchun ogʻir davrga toʻgʻri keldi. O'rta maktabni tugatgach, Fahriye Dyusseldorfdagi Geynrix Geyn universitetiga o'qishga kirdi va u yerda sotsiologiya boʻyicha tahsil oldi. 2005-yilda Dyusseldorfda oʻqish paytida Fahriye onasi bilan Istanbulga taʼtilga joʻnadi va u yerda Fahriye kutilmaganda „Hech qachon unutma“ serialida rol oʻynadi. Suratga olish ishlari tugagach, Fahriye aktrisalik faoliyatini davom ettirishga qaror qildi va taʼtil oldi.

Tez orada u Gyuntekinning „Yaproqlar toʻkilgan“ romanining zamonaviy moslashuvida Necla roʻlini oʻynadi va bu uni Turkiyada mashhur boʻlishiga sabab boʻldi. „Yaproqlar toʻkilgan“ filmidagi ishini hali tugatmagan Fahriye telekoʻrsatuvlar va filmlarda bir nechta asosiy rollarni oldi: „Sogʻinch“ mini-serialidagi Songul, „Osmon“ filmidagi Qiz va „Muhabbat tutilishi“ filmidagi Pinar. 2009-yil boshida Fahriye Evcen tarix fani boʻyicha tahsil olish uchun Bosfor universitetiga oʻqishga kirdi, biroq „Yaproqlar toʻkilgan“ serialini suratga olish bilan band boʻlgani Fahriyeni suratga olish jarayoni tugaguniga qadar oʻqishini qoldirishga majbur bi’ldi. Fahriye 2014-yilda Bosfor universitetining tarix fakultetini tamomlagan. 2013 -yilda esa Fahriye Reshat Nuri Gyuntekinning yana bir romani — " Qirol — qoʻshiqchi qush " romanining zamonaviy moslashuvida katta rol oʻynadi. Undan keyin " Kurt Seyit va Shura " serialidagi Murvet rolini ijro etdi. Soʻng 2014-yilda Fahriye „Sevgi senga oʻxshaydi“ filmida bosh roʻlni egalladi, bu filmda u avval „Qirol“ filmida birga oʻynagan Burak Özçivit obrazining sevgilisi roʻlini oʻynadi. 2016-yilda Fahriye „Endless Love“ filmida suratga tushgan va mashhur turk aktyori Murat Yildirim unga sherik boʻlgan.

2021-yilda Fahriye „Buyuk Saljuqiylar: Alp-Arslan“ zamonaviy turkiy tarixiy serialida Akchi-Xatun roʻlini oldi, unda taniqli aktyor Barish Arduch uning sherigi boʻldi. Arduch Toʻrt tilda erkin soʻzlasha oladi: ispan, nemis, ingliz va turk. Yoshligida u sportga mehr qoʻygan, maktab yillarida esa basketbol jamoasida himoyachi boʻlgan.

Filmografiyasi

Filmlar

Yil	Nomi	Rol	Izohlar
2007	Cennet	Kız	Bosh rol
2008	Aşk Tutulması	Pınar	Bosh rol
2010	Spur des terrors takiye / Takiye: Allah Yolunda	Sevde	Germaniya, Turkiya
2011	Signora Enrica	Young Signora Enrica	Italiya, Turkiya
2012	Evim Sensin	Leyla	Bosh rol
2015	Aşk Sana Benzer	Deniz/Defne	Bosh rol
2017	Sonsuz Aşk	Zeynep	Bosh rol

Teleseriallar

Yil	Nomi	Rol	Izohlar
2005	Asla Unutma	Pınar	Epizod
2006	Hasret	Songül	Epizod
2006–2010	Yaprak Dökümü	Necla Tekin Aydınoğlu	Bosh rol
2011	Yalancı Bahar	Zeynep	Bosh rol
2012	Veda	Mehpare	Bosh rol
2013–2014	Çalıkuşu	Feride	Bosh rol
2014	Kurt Seyit ve Şura	Mürvet (Murka)	Bosh rol
2017	Ölene Kadar	Selvi Nardan/Vildan	Bosh rol
2021–2022	Alparslon: Buyuk Saljuqiylar	Akça Hatun	Bosh rol

Shaxsiy hayoti

2015-yil boshida „Sevgi senga oʻxshaydi“ filmini suratga olish paytida Fahriye Evgen 2013-yilda " Qirol — qoʻshiqchi qush " teleserialida tanishgan aktyor Burak Oʻzchivit bilan uchrashishni boshladi. Ular 2017-yilning 9-martida Germaniyada unashtirilgan va 2017-yilning 29-iyunida Istanbulda turmush qurishgan. 2019-yil 13-aprelda er-xotinning oʻgʻli Karan Istanbuldagi Amerika kasalxonasida tugʻildi.