Dmitriy Aliyev

Dmitriy Aliyev
Shaxsiy maʼlumotlari
Toʻliq ismi	Dmitriy Aliyev
Davlat	Rossiya
Boʻyi	174 sm
Oldingi murabbiylari	Lidiya Rodionova, Vyacheslav Maksimov
Xoreografi	Olga Glinka
Shaxsiy rekordlari
Umumiy natija	272.89
Qisqa dastur	101.49
Erkin dastur	184.44

Dmitriy Sergeyevich Aliyev (ruscha: Дмитрий Сергеевич Алиев; 1999-yil 1-iyunda tugʻilgan) — rossiyalik figurali uchuvchi. 2020-yilgi Yevropa chempioni va 2020-yilgi Rossiya milliy chempioni, 2017-yilgi Oʻsmirlar darajasidagi Jahon chempionatining kumush medali sovrindori, 2016—2017-yilgi oʻsmirlar oʻrtasidagi Gran-pri finali chempioni, 2016-yilgi oʻsmirlar Olimpiadasining ikki karra sovrindori va ikki karra (2016, 2017) oʻsmirlar oʻrtasidagi Rossiya milliy chempioni.

Faoliyati

Aliyev 2014—2015-yilgi mavsumda Oʻsmirlar darajasidagi Gran-pri seriyasida debyut qilgan.

Lyublyana, Sloveniya va Yaponiyaning Aichi shaharlarida boʻlib oʻtgan musobaqalarda bronza medallari bilan taqdirlangan Aliyev oʻsmirlar darajasidagi Gran-pri finalida uchinchi oʻrinni egalladi. Oʻzining katta xalqaro debyutini amalga oshirib, 2014-yilda ISU Challenger seriyasi boʻlgan „Golden Spin of Zagreb“ musobaqasida oʻninchi oʻrinni egalladi. Oʻsmirlar safiga qaytgan Aliyev 2015-yilgi Rossiya oʻsmirlar chempionati va 2015-yilgi Yevropa yoshlar olimpiya qishki festivalida bronza medallarini qoʻlga kiritdi.

Kattalar toifasida musobqada qatnashgan Aliyev 2015-yilgi Xalqaro Nice kubogida bronza, 2015-yilda CS Tallinn Trophy musobaqasida kumush medal bilan taqdirlangan. Dekabr oyida Barselonada boʻlib oʻtgan 2015—2016-yilgi Oʻsmirlar darajasidagi Gran-pri finalida amerikalik Nathan Chendan keyin ikkinchi oʻrinni egallab, kumush medalni qoʻlga kiritdi. Oʻsha oyning oxirida Aliyev 2016-yilda Yekaterinburgda boʻlib oʻtgan Rossiya chempionatida oltinchi oʻrinni egalladi, yanvar oyida Chelyabinskda oʻtkazillgan oʻsmirlar oʻrtasidagi birinchi milliy chempionlikni qoʻlga kiritdi.

Aliyev 2021-yilgi CS Finlandia Trophy musobaqasida qatnashib, bronza medalini qoʻlga kiritdi. Keyingi haftada u 2021-yilgi Budapesht Trophy musobaqasida ishtirok etib, kumush medalni qoʻlga kiritdi. Uning Gran-pridagi birinchi topshirigʻi dastlab 2021-yilgi Xitoy kubogi musobqasida ishtirok etish edi, biroq musobqa bekor qilinganidan soʻng Aliyev 2021-yilgi Turinda boʻlib oʻtgan Gran Premio d’Italia turniriga tayinlandi. U musobaqada toʻqqizinchi oʻrinni egalladi. Dmitriy Aliyev 2021 Internationaux de France musobaqasida qatnashib beshinchi oʻrinni egalladi.

Aliyev 2022-yilgi Rossiya chempionatida toʻqqizinchi oʻrinni egalladi.

Dasturlar

Mavsum	Qisqa dastur	Erkin dastur
2021 - 2022	Pilgrims on a Long Journey Cœur de pirate	And the Waltz Goes On Anthony Hopkins
2020 - 2021	Masquerade Waltz Aram Khatchaturian	Immensità Johnny Dorelli
2019 - 2020	Je dors sur des Roses Mozart, l'opéra rock	The Sound of Silence Simon & Garfunkel
2018 - 2019	Modigliani Suite Guy Farley Midnight Blues Gary Moore	Clouds, The Mind on the (Re)Wind Ezio Bosso
2016 - 2017	Oblivion Astor Piazzolla	Broken Vow Temir niqobli odam Nick Glennie-Smith
2015 - 2016	Nothing the Same Gary Moore	Notr-Dam de Paris Riccardo Cocciante Temps des Cathédrales Bruno Pelletier
2014 - 2015	Cowboy	Escalier Hugues Le Bars Derap Hugues Le Bars