Al-Jarroh ibn Abdulloh

Al-Jarroh ibn Abdulloh al-Hakamiy arabcha: أبو عقبة الجراح بن عبد الله الحكمي
Shaxsiy maʼlumotlari
Tavalludi	Jund al-Urdunn
Vafoti	730-yil 9-dekabr Ardabil
Munosabatlari	Al-Hajjoj (akasi)
Ota-onasi	Abdulloh
Mansubligi	Umaviylar xalifaligi
Qoʻshin turi	general
Xizmat yillari	696–730-yillardan oldin
Janglari	Ibn al-Ashʼas qoʻzgʻoloniga qarshi hujum Arab–Vizantiya urushlari

Abu Uqba al-Jarroh ibn Abdulloh al-Hakamiy (arabcha: أبو عقبة الجراح بن عبد الله الحكمي) – arab zodagoni, Hakamiy qabilasi sarkardasi. VIII asr boshlarida Basra, Seyiston, Xuroson, Armaniston va Eron Ozarbayjoni hokimi boʻlib xizmat qilgan. Xazarlarga qarshi yurishlari bilan mashhur boʻlgan va 730-yilda Ardabil jangida vafot etgan.

Faoliyati

Tarixchi Balozuriy Axmad ibn Yahyoning maʼlumotlariga koʻra, al-Jarroh Jund al-Urdunnda (Iordaniya harbiy okrugi) tugʻilgan. 696-yilda Sufyon ibn al-Abrod al-Kalbiy va Abdurahmon ibn Habib al-Hakamiyga ergashib Iroqqa kelgan boʻlishi mumkin. Abdurahmon ibn Habib va al-Jarroh Banu al-Hakam ibn Saʼd al-Ashira qabilasidan boʻlgan. 701-yilda al-Jarroh Ibn al-Ash’as qoʻzgʻoloniga qarshi kurash olib borgan.

706 yoki bir necha yildan keyin, Iroq hokimi Hajjoj ibn Yusuf qoʻl ostida Basraga hokim etib tayinlangan va 715-yilda Yazid ibn al-Muhallab Hajjojning oʻrnini egallaguniga qadar ushbu lavozimda xizmat qilgan. Yazid ham, shuningdek, al-Jarrohni Xurosonga joʻnab ketishidan oldin Iroqda oʻzining noibi etib tayinlagan. 717-yilda xalifa Umar II (hukmronligi 717–720) uni Xuroson va Seyiston hokimligida Yazidning vorisi deb eʼlon qilgan. Al-Jarroh 719-yilning mart yoki aprel oylariga qadar Xurosonda qolgan. Bu lavozimda 17 oy davomida faoliyat olib borgan, biroq islom dinini qabul qilgan mahalliy aholiga nisbatan yomon munosabatda boʻlgani bois uning ustidan shikoyat tushgan va shu sababli ishdan boʻshatilgan. Soʻngra al-Jarrohning oʻrnini Abdurahmon ibn Nuaym al-Gʻomidiy egallagan. 720-yilda Iroqqa qaytgach, al-Jarroh Maslama ibn Abdulmalik bilan birga Yazid ibn al-Muhallab qoʻzgʻolonini bostirishda kurashgan boʻlishi mumkin.

Adabiyotlar

• Blankinship, Khalid Yahya. The End of the Jihâd State: The Reign of Hishām ibn ʻAbd al-Malik and the Collapse of the Umayyads. Albany, New York: State University of New York Press, 1994. ISBN 978-0-7914-1827-7. 
• Brook, Kevin Alan. The Jews of Khazaria, Second, Plymouth: Rowman & Littlefield Publishers, Inc, 2006. ISBN 978-0-7425-4982-1. 
• Crone, Patricia. Slaves on Horses: The Evolution of the Islamic Polity. Cambridge: Cambridge University Press, 1980. ISBN 0-521-52940-9. 
• Dunlop, D. M. (1965). "al- D̲j̲arrāḥ b. ʿAbd Allāh". in Lewis, B.. Encyclopaedia of Islam. Volume II: C–G (2nd nashri). Leiden: E. J. Brill. p. 482. doi:10.1163/1573-3912_islam_SIM_2012. OCLC 495469475. https://referenceworks.brillonline.com/search?s.q=al-+D%CC%B2j%CC%B2arr%C4%81%E1%B8%A5+b.+%CA%BFAbd+All%C4%81h&s.f.s2_parent=s.f.book.encyclopaedia-of-islam-2&search-go=Search. 
• The History of al-Ṭabarī, Volume XXIV: The Empire in Transition: The Caliphates of Sulaymān, ʿUmar, and Yazīd, A.D. 715–724/A.H. 96–105, SUNY Series in Near Eastern Studies.. Albany, New York: State University of New York Press, 1989. ISBN 978-0-7914-0072-2. 
• The History of al-Ṭabarī, Volume XXII: The Marwānid Restoration: The Caliphate of ʿAbd al-Malik, A.D. 693–701/A.H. 74–81, SUNY Series in Near Eastern Studies.. Albany, New York: State University of New York Press, 1989. ISBN 978-0-88706-975-8. 

Oldingisi Yazid ibn al-Muhallab	Xuroson va Seyiston hokimi 717–719	Keyingisi Abdurahmon ibn Nuaym al-Gʻomidiy
Oldingisi Milʼaq ibn Saffor al-Bahroniy]]	Armaniston va Ozarbayjon hokimi 722–725	Keyingisi Maslama ibn Abdulmalik
Oldingisi Maslama ibn Abdulmalik	Armaniston va Ozarbayjon hokimi 729–730	Keyingisi Said ibn Amr al-Haroshiy