Kontent qismiga oʻtish

Zayniddin Tojiyev

Vikipediya, ochiq ensiklopediya
(Zayniddin Tojievdan yoʻnaltirildi)
Zayniddin Tojiyev
Shaxsiy maʼlumot
Toʻliq ismi Zayniddin Fahriddinovich Tojiyev
Tavallud sanasi 21-iyun 1977-yil (1977-06-21) (47 yosh)
Tavallud joyi Oʻzbekiston SSR, Sovet Ittifoqi
Boʻyi 1.85 m (6 ft 1 in)
Ampluasi Hujumchi
Professional faoliyati*
Yillar Jamoa Isht. (Gol.)
2001 Akademiya Toshkent 33 (10)
2002—2004 Paxtakor Toshkent 85 (36)
2005 Esil Bogatyr 23 (1)
2006 Paxtakor Toshkent 44 (22)
2007 Saba Battery 10 (2)
2007—2009 Paxtakor Toshkent 56 (30)
2009 Tianjin Teda 13 (2)
2010 Shurtan Gʻuzor 8 (2)
2010 Ordabasy 6 (1)
2010 Paxtakor Toshkent 1 (0)
2011—2013 Lokomotiv Toshkent 42 (51)
2013 Neftchi Fargʻona 11 (1)
2014 Dinamo Samarqand 25 (2)
2015 Bukhara 6 (0)
Milliy terma jamoa
2002—2010 Oʻzbekiston 18 (3)
*Professional klublardagi gollari (ichki chempionat)
(2015-yil 18-aprel uchun)

Zayniddin Tojiyev (1977-yil 21-iyunda tugʻilgan[1]) – oʻzbekistonlik sobiq professional futbolchi[2], hujumchi ampulasida oʻynagan. 2002—2010-yillar oraligʻida Oʻzbekiston milliy futbol terma jamoasi tarkibida 18 ta oʻyinda ishtirok etgan va 3 ta gol muallifi boʻlgan.

Biografiyasi

[tahrir | manbasini tahrirlash]

Zayniddin koʻp farzandlik oilada tugʻilgan boʻlib, besh nafar farzandning uchinchisidir. Uning ikki akasi oʻt oʻchiruvchi kasbida ishlagan boʻlsa, ikki ukasi futbolchilik faoliyati bilan shugʻullanishgan. Zayniddin dastlab ikki akasi kabi oʻt oʻchiruvchi kasbida ishlagan. Keyinchalik futbolga boʻlgan qiziqishi ustunlik qilgan va futbolni tanlagan. Zayniddin futbolchilik faoliyatini kechroq, 24 yoshida boshlagan. U futbol maktablarida taʼlim olmagan va havaskorlar darajasida shugʻullanib, oʻynab yurgan. U ilk bor 24 yoshida katta futbolga Oʻzbekiston ichki ishlar vazirligi qoshidagi „Akademiya“ (Toshkent) klubi orqali kirib kelgan. Akademiya chempionatning debyutant klubi boʻlishiga qaramasdan 5-oʻrinni egallagan. Oʻzining dastlabki professional mavsumida 10 ta gol urgan va mavsum davomida Akademiya klubi bilan chempionat yetakchilardan biri „Paxtakor“ jamoasini magʻlub etishda hissa qoʻshgan. Mavsum yakunida bir necha yetakchi jamoalar Tojiyevni oʻz tarkibiga jalb etishga urinib koʻrgan va yakunda Zayniddin „Paxtakor“ jamoasi bilan shartnoma imzolagan.

2002-yilgi mavsumda Toshkentning „Paxtakor“ jamoasi bilan shartnoma imzolagan Zayniddin orada uzilishlar bilan, bir necha yillar davomida oʻynagan. Uning yulduzli onlari shu klubda oʻtgan. „Paxtakor“ bilan ikki bor mamlakat chempioni va ikki bor mamlakat kubogi sohibi boʻlgan. U „Paxtakor“ safida turli yillarda futbol oʻynagan. 2008-yilgi mavsumda Server Jeparov 19 gol bilan chempionat toʻpurari boʻlganda Zayniddin 17 ta gol bilan ikkinchi boʻlgan. 2009-yilgi mavsum Osiyo Chempionlar Ligasi turnirida 5 gol bilan „Paxtakor“ jamoasi toʻpurari boʻlgan. Umuman olganda Tojiyev „Paxtakor“ jamoasi tarkibida Osiyo chempionlar ligasida 13 ta gol kritgan holda klubning toʻpurari hisoblanadi.

2005-yilgi mavsumda Qozogʻistonning Petropavl shahri klubi „Yesil-Bogatir“, 2007-yil Eronning „Saba Batteri“, 2009-yil Xitoyning „Tyanszin Teda“, 2010-yil Qozogʻistonning „Ordabasi“ klublarida faoliyat olib borgan.

2011-yilgi mavsumda Oʻzbekistonga qaytgan va Oʻzbekiston birinchi ligasida qatnashayotgan Toshkentning „Lokomotiv“ klubi bilan shartnoma imzolagan. Lokomotiv jamoasi safida mavsum davomida 30 gol bilan Birinchi liga toʻpurari boʻlgan. Tojiyev 2012-yilgi mavsumda 11 ta gol urgan va bu yilda ham „Lokomotiv“ jamoasining eng yaxshi toʻpurari boʻlgan. 2013-yilda u „Lokomotiv“ safida mavsumning birinchi yarmida 9 oʻyinda ishtirok etib 4 ta gol urgan. 2013-yilgi mavsumning ikkinchi yarmida Fargʻonaning „Neftchi“ jamoasi tarkibida oʻynagan[3][4]. 2014-yilda Samarqandning „Dinamo“ klubiga oʻtgan[5][6]. 2015-yilning fevral oyida „Dinamo“ jamoasini tark etgan va „Buxoro“ klubi bilan shartnoma imzolagan[7].

Turli musobaqalarda 144 ta gol muallifi boʻlgan.

Terma jamoadagi faoliyati

[tahrir | manbasini tahrirlash]

Tojiyev futbol boʻyicha Oʻzbekiston milliy terma jamoasi safida jami 18 ta oʻyinda maydonga tushgan. Jahon chempionati saralash bosqichidagi 7 ta oʻyinda ishtirok etgan. Terma jamoadagi faoliyati davomida jami 3 ta gol muallifi boʻlgan[8].

Milliy terma jamoa uchun gollar

[tahrir | manbasini tahrirlash]
№ Sana Oʻtkazilgan joy Raqib Hisob Natija Musoboqa
1. 14-may 2002 Prešov, Slovakiya  Slovakiya 4-1 Magʻlubiyat Oʻrtoqlik
2. 28-may 2004 Boku, Ozarbayjon  Ozarbayjon 3-1 Magʻlubiyat Oʻrtoqlik
3. 22-mart 2008 Toshkent, Oʻzbekiston  Iordaniya 4-1 Gʻalaba Oʻrtoqlik

Futbolchilik faoliyatini tugatgach Odil Ahmedovning „Odil junior“ bolalar futbol akademiyasida 2008-yilgi bolalarga ustozlik qilgan. 2021-yilda Oʻzbekiston U-15 terma jamoasini boshqargan[9].

Yutuqlari

[tahrir | manbasini tahrirlash]
  • Oʻzbekiston chempioni: 2002, 2003, 2004, 2006.
  • Oʻzbekiston chempionati ikkinchi oʻrin: 2008, 2009, 2010.
  • Oʻzbekiston kubogi sohibi: 2002, 2003, 2004, 2006, 2009.[10]
  • Osiyo Chempionlar Ligasi yarim finalchisi- 2003, 2004.

Shaxsiy yutuqlar

Manbalar

[tahrir | manbasini tahrirlash]
  1. ↑ „Yulduz futbolchilar necha yoshidan professional faoliyatini boshlashgan?“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  2. ↑ „Yoshligida o't o'chiruvchi bo'lishni xohlagan Zayniddin Tojiev 43 yoshga to'ldi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  3. ↑ „Zayniddin Tojiev "Neftchi" bilan shartnoma tuzdi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  4. ↑ „Zayniddin Tojiev oliy ligada beshinchi klub safida gol urdi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  5. ↑ „Zayniddin Tojiev "Dinamo" bilan shartnoma tuzdi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  6. ↑ „Muxlislarga so'z bergan Zayniddin Tojiev“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  7. ↑ „Zayniddin Tojiev "Buxoro"da ko'rikdan o'tmoqda“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  8. ↑ Zayntdin Tadjiyev – FIFA musobaqalaridagi natijalari (arxivlangan)
  9. ↑ „Eshitdik-da: Tojiev 2007, Mirzaahmedov 2008 yilda tug'ilgan futbolchilardan iborat terma jamoalarga bosh murabbiy bo'ladi“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  10. ↑ „O'zbekiston kubogi finallaridagi yubiley gollarni kimlar urgan?“. 2023-yil 4-iyunda asl nusxadan arxivlangan. Qaraldi: 2023-yil 4-iyun.
  11. ↑ „Yilning "eng yaxshi yoshlar murabbiyi" - Zayniddin Tojiev“. 2023-yil 4-iyunda asl nusxadan arxivlangan. Qaraldi: 2023-yil 4-iyun.


Havoalar

[tahrir | manbasini tahrirlash]
"https://uz.wikipedia.org/w/index.php?title=Zayniddin_Tojiyev&oldid=5275785" dan olindi