Yevgeniy Mamut

Yevgeniy Mamut
Tavalludi	9-iyul 1942-yil Toshkent, OʻzSSR, SSSR
Fuqaroligi	SSSR AQSh
Mukofotlari	Oscar

Yevgeniy Shamayevich Mamut (1942-yil, Toshkent) ukrainalik va amerikalik kinematografik maxsus effektlar boʻyicha mutaxassis, animator, Oscar kino mukofoti laureati.

Oilasi, bolaligi, taʼlimi

Yevgeniy Shamayevich 1942-yil 9-iyulda Toshkentda tavallud topgan. Ota-onasi va singlisi bilan 1977-yilda AQShga koʻchib oʻtishgan, bir yildan soʻng u yerdan ham koʻchib ketishgan.

Yevgeniy Mamut 1949–1959-yillarda Xarkov shahridagi 95, 48, 9-maktablarda oʻqigan. 1961–1963-yillar oraligʻida Xarkov qurilish texnikumida texnik-elektrik mutaxassisligi boʻyicha oʻqigan. 1971-yil elektr muhandisligi boʻyicha (XPI) diplom olgan. Yevgeniy 1970–1978-yillarda XPI kinostudiyasida muhandis boʻlib ishlagan. U mikroskop ostida suratga olish texnologiyasini ishlab chiqdi.

Shaxsiy hayoti

Shamayevich 1996-yilda mashhur grafik va animatsiya ustasi Irina Borisovaga uylangan.

Kinostudiya

Yevgeniy oʻz ijodiy faoliyatini dastlab 1957-yilda Vladimir Petrovich Zubara, keyinchalik esa 1965-yildan Arkadiy Mixaylovich Faustov rahbarligida Xarkov politexnika instituti xalq kinostudiyasida boshlagan.

Mamut „Mening hamkasblarim hozir dunyoga mashhur odamlar: vizual effektlar boʻyicha mutaxassislar jol Xaynek va Jeff Kleyzer“, – deb eslaydi.

Yevgeniy Mamut 1996-yilda Massachusets shtatining Lenoks shahriga koʻchib oʻtib, Mass Illusion kompaniyasi bilan ishlashni boshlagan. U yerda „Zvyozniy desant“ (Starship Troopers, 1997) va „Matritsa“ (The Matrix, 1999) filmlari uchun vizual effektlar yaratgan.

Mukofotlari

Yevgeniy Shamayevich 1962-yil Moskvadagi VDNX kumush medali bilan taqdirlangan.

1982-yil „Timex“ soatlarini reklama qilgani uchun „CLIO AWARD“ mukofotiga sazovor boʻlgan.

Yevgeniy Mamut 1987-yilda uchta hamkasbi bilan birgalikda „Oscar“ mukofotiga sazovor boʻlgan.

Ijodi

Yevgeniy Mamut 700 ta reklama va 40 ta film yaratishda ishtirok etgan.