WikiOromgoh

Loyiha sahfasini koʻrish uchun Vikipediya:WikiStipendiya marafoni/WikiOromgoh, Vikipediya:WikiStipendiya marafoni/WikiOromgoh 2-mavsum, Vikipediya:WikiStipendiya marafoni/WikiOromgoh 3-mavsum va Vikipediya:WikiStipendiya marafoni/WikiOromgoh 4-mavsum sahifalariga oʻting

WikiOromgoh
WikiOromgoh Awards Ceremony.jpg
Oʻtkazilgan joyi	Yoshlar oromgohi
Boshlanish sanasi	1-avgust 2022-yil
Davomiyligi	7 kun
Tugash sanasi	7-avgust 2022-yil
Tashkilotchi	YIA
Tijoriy tadbir	yoʻq
Qatnashuvchilar	150 kishi
WikiOromgoh Vikiomborda

WikiOromgoh – Oʻzbekiston Yoshlar ishlari agentligi tomonidan „WikiStipendiya“ marafoni doirasida oʻtkazilgan tadbir boʻlib, u bir hafta davomida Toshkent viloyatining Boʻstonliq tumanidagi Yoshlar ishlari agentligiga qarashli oromgohda oʻtkazilgan.

Eʼlon qilinishi

2022-yil 19-iyul kuni Oʻzbekiston yoshlar ishlari agentligi direktori Alisher Sadullayev oʻzining telegram ijtimoiy tarmogʻidagi kanalida «WikiStipendiya» marafoni doirasida oʻtkaziladigan Wikioromgoh loyihasi haqida eʼlon qiladi va quyidagicha xabar qoldiradi:

“WikiOromgoh”ga start beramiz!

Bir hafta davom etadigan mazkur oromgohda ishtirokchilar Vikipediya administratorlari tomonidan mahorat darslari, taniqli ijodkorlar, blogerlar, ishbilarmonlar bilan uchrashuvlar va boshqa qiziqarli mashgʻulotlarda qatnashish imkoniga ega boʻladilar.

“WikiOromgoh”da 19-iyul soat 00:00 dan 26-iyul soat 00:00 ga qadar Vikipediyaga kamida 10 ta sifatli maqola joylagan ishtirokchilar qatnasha oladi. Eng muhimi esa yosh chegaralanmagan! Maqolalar ensiklopedik ahamiyatga ega va Vikipediya qonun-qoidalariga mos tarzda yaratilishi kerak.

Anketada foydalanuvchi sahifasining havolasini kiritmagan va notebook yoʻq, deb belgilagan ishtirokchilar saralashda qatnasha olmaydi. Batafsil ma’lumot (https://t.me/wikistipendiya). Roʻyxatdan oʻtish uchun havola:  WikiOromgoh Telegram mesenjerida

— @alisher_sadullaev, in

Saralash

Yuqorida keltirilgan shartlarni bajargan foydalanuvchilar saralab olindi va guruhlarga boʻlindi.

Tashkilotchilar

Tashkilotchilar
FIO	lavozim
Mehrinoz Abbosova	YIA direktori maslahatchisi
Koordinatorlar
Shohrux Rahimboyev	Koordinator
Gulbegim Xolmirzayeva	Koordinator
Sadriddin Shamsiddinov	1-guruh
Murad Yuldashev	2-guruh
Shohista Qayumova	3-guruh
Shohrux Usmonov	4-guruh
Mohira Eshpoʻlatova	5-guruh
Asadbek Murtazaev	6-guruh
Otabek Rasulov	7-guruh
Hilola Joʻrakulova	8-guruh
Boshqa koordinatorlar
Sohibjamol Bozorova
Bekzod Toʻyqulov
Ilyos Shodiyev
Orifjon Olimjanov

Ushbu loyihani amalga oshirishda Oʻzbekiston yoshlar ishlari agentligi bosh tashkilotchi vazifasini bajardi. Shuningdek, unga hamkorlikda AOKA, RYIK va Oʻzbek tilida soʻzlashuvchi vikimediachilar foydalanuvchi guruhi koʻmaklashishdi.

Agentlikdagi uchrashuv. 1-avgust 2022-yil.

Oromgoh haqida

Yoshlar
oromgohi

Toshkent viloyati, Boʻstonliq tumani, Chimyon posyolkasi

Yoshlar oromgohi Toshkent shahridan 110 km uzoqlikda Toshkent viloyatining Boʻstonliq tumanida joylashgan. Oromgoh togʻ yonbagʻrida joylashgan boʻlib, maydoni 10 gektardan oshiq. Oromgohda 10 dan oshiq yotoqxona, oshxona, yozgi basseyn, amfiteatr, basketbol, futbol maydonlari, trenajyor zallari mavjud.

Tadbirlar

Mahorat darslari

Oʻzbek tilidagi vikipediya administratorlari Nodir Atayev, Mirzoulugʻbek Karimov, Aziz Sharipov, Jamshid Nurqulov, Umar Rahimov, Nikolay Artemovlar guruhlarga boʻlingan holda vikipediyaning yangi foydalanuvchilariga mahorat darslari oʻtib berishdi.

WikiMehmonlar

Ushbu loyiha doirasida oromgohga taniqli ijodkorlar, blogerlar, ishbilarmonlar tashrif buyurib, oromgoh ishtirokchilari bilan bilan uchrashuvlar tashkil qilindi. Ular quyidagilar:

• Ulugʻbek Ismatov – Loyihalar boshqaruvi markazi rahbari;
• Saida Rashidova – yozuvchi, Oʻzbek tili maktabi asoschisi;
• Shuhrat Daryo – xonanda, "Nihol" mukofoti sovrindori;
• Iroda Karimova – "Puma" shirkati xodimi (Zoom orqali);
• Shahnoza Soatova – Bloger, Adliya vazirining davlat tili va maʼnaviyat masalalari boʻyicha maslahatchisi.

Erishilgan natijalar

Oromgohda yozilgan maqolalarni guruhlar boʻyicha taqsimoti (% da):

  1-guruh (11.73%)

  2-guruh (9.33%)

  3-guruh (11.97%)

  4-guruh (13.98%)

  5-guruh (21.14%)

  6-guruh (5.8%)

  7-guruh (13.55%)

  8-guruh (12.26%)

Ushbu loyiha doirasida Oʻzbekistonning turli burchagidan oromgohga kelgan 150 nafar foydalanuvchi qatnashdi. Ular Oʻzbekcha Vikipediyaga 2-avgust soat 00:00 dan 6-avgust 18:00 ga qadar jami 8726 ta yangi maqola yozib kiritishdi. Shulardan 7509 tasi, yaʼni 87,3 foizi oromgoh ishtirokchilari tomonidan yozildi va oʻzbekcha Vikipediya barcha tillardagi Vikipediyalar orasida gruzin va norveg tillaridan oʻtib, 57-pogʻonadan 55-pogʻonaga koʻtarildi.

Yopilish marosimi

Yopilish marosimi oromgoh hududidagi amfiteatrda boʻlib oʻtdi. Unda guruhlar oʻz chiqishlari bilan qatnashishdi.

Gʻoliblarni taqdirlash

Yopilish marosimining soʻnggi qismida taqdirlash marosimi ham boʻlib oʻtdi. Unda har bir guruhdan eng koʻp maqola yozgan ishtirokchilarga sovgʻa sifatida notbuklar topshirildi.