Vitaliy Rogovanov

Vitaliy Rogovanov
Shaxsiy maʼlumot
Toʻliq ismi	Vitaliy Anatoliyevich Rogovanov
Tavallud sanasi	20-iyun 1965-yil (59 yosh)
Tavallud joyi	Qirgʻiziston,
Ampluasi	Himoyachi, yarim himoyachi
Yoshligida aʼzo boʻlgan klublar
	Alay
Professional faoliyati*
Yillar	Jamoa
1983—1984	Alay
1983	Spartak (Sulyukta)
1986—1993	Alay
1994	Soʻgʻdiyona
1995	Dinamo (Oʻsh)
1996	Progres (Zarafshon)
1997	Yangiyer
Milliy terma jamoa
1993—1994	Qirgʻiziston
	*Professional klublardagi gollari (ichki chempionat)

Vitaliy Anatolyevich Rogovanov (1965-yil 20-iyun) – qirgʻiz va oʻzbek futbolchisi va murabbiyi. Qirgʻiziston terma jamoasida oʻynagan.

Biografiyasi

Klublardagi faoliyati

Oʻshning „Alay“ klubi tarbiyalanuvchisi boʻlgan. Vitaliy 1981-yilda 16 yoshida klub tarkibiga qabul qilingan va SSSR ikkinchi ligasida 1983-yilgi mavsumda klub safida ilk oʻyinini oʻtkazgan. Umumiy hisobda Rogovanov Sovet futbolining ikkinchi ligasida 200 dan ortiq oʻyin oʻtkazgan. Qirgʻiziston SSR yoshlar terma jamoalarida oʻynagan, 1983-yilda SSSR xalqlari Spartakiadasi turniri ishtirokchisi hisoblanadi.

SSSR parchalanganidan keyin yana ikki mavsumni „Alay“ tarkibida oʻtkazgan. 1992 va 1993-yillarda Qirgʻiziston chempionatining bronza medali sovrindori, 1992-yilda esa mamlakat kubogi finalchisiga aylangan. 1993-yilda hujumkor yarim himoyachi sifatida oʻynab, 22 ta gol urgan va chempionatning eng yaxshi 5 toʻpurarlari safiga kirgan.

Faoliyati yakunida Oʻzbekiston oliy ligasida „Soʻgʻdiyona“ va „Yangiyer“ jamoalarida, shuningdek quyi ligalarda „Progres“ („Zarafshon“) safida toʻp surgan. Oʻshning „Dinamo“ klubida ham bir mavsumni oʻtkazgan.

Terma jamoadagi oʻrni

1993-yil 7-iyun kuni Tehronda boʻlib oʻtgan xalqaro turnirda Ozarbayjonga^[1] qarshi oʻyinda Qirgʻiziston terma jamoasi safida debyut qilgan. 1993—1994-yillarda terma jamoa safida jami 6 ta oʻyin oʻtkazgan. Uchrashuvlarning ikkitasi Tehrondagi turnirda va 4 tasi 1994-yilda Toshkentda Markaziy Osiyo kubogi doirasida boʻlib oʻtgan.

Murabbiylik faoliyati

Futbolchilik faoliyatini yakunlagach, Qizilqum (Zarafshon) sport maktabida bolalar murabbiyi va „Stroitel“ (Zarafshon) mini-futbol klubida murabbiy sifatida faoliyat olib borgan^[2]. Keyinchalik Rossiyaga koʻchib oʻtib, u yerda „Legion“ yoshlar sport maktabida (Lipetsk) faoliyatini davom ettirgan. Vitaliy shuningdek, „Avangard“ havaskorlar klubida (Chapligin) ham murabbiylik qilgan^[3].

Shaxsiy hayoti

Farzandi Igor (1995-yilda tugʻilgan) ham futbolchi. 2013-yilda „Paxtakor“ safida Oʻzbekiston chempionatida 3 ta oʻyin oʻtkazgan. Keyinroq Rossiyada havaskorlar miqyosida toʻp surgan^[4].

Manbalar

↑ „Азербайджан 3 : 2 Киргизия“. 14-fevral 2019-yilda asl nusxadan arxivlangan. Qaraldi: 16-fevral 2019-yil.
↑ „«Стройсервис» усилил тренерский штаб, а в лидеры вышел «PROСвет»“. 17-fevral 2019-yilda asl nusxadan arxivlangan. Qaraldi: 16-fevral 2019-yil.
↑ „По праву гордится район футболистами“. 17-fevral 2019-yilda asl nusxadan arxivlangan. Qaraldi: 16-fevral 2019-yil.
↑ „Кто — в лес, кто — по дрова“. 17-fevral 2019-yilda asl nusxadan arxivlangan. Qaraldi: 16-fevral 2019-yil.

Havolalar

Vitaliy Rogovanov FootballFacts.ru saytida (ruscha)
Vitaliy Rogovanov National-Football-Teams.com saytida

[1] „Азербайджан 3 : 2 Киргизия“. 14-fevral 2019-yilda asl nusxadan arxivlangan. Qaraldi: 16-fevral 2019-yil.

[2] „«Стройсервис» усилил тренерский штаб, а в лидеры вышел «PROСвет»“. 17-fevral 2019-yilda asl nusxadan arxivlangan. Qaraldi: 16-fevral 2019-yil.

[3] „По праву гордится район футболистами“. 17-fevral 2019-yilda asl nusxadan arxivlangan. Qaraldi: 16-fevral 2019-yil.

[4] „Кто — в лес, кто — по дрова“. 17-fevral 2019-yilda asl nusxadan arxivlangan. Qaraldi: 16-fevral 2019-yil.

[1]

[2]

[3]

[4]