Sergey Avetisov

Sergey Avetisov
Tavalludi	15-aprel 1950-yil (1950-04-15) Samarqand
Fuqaroligi
Kasbi	Shifokor, Oftalmolog

Sergey Eduardovich Avetisov (1950-yil 15-aprelda tugʻilgan, Samarqand, Oʻzbekiston SSR) – rossiyalik oftalmolog, tibbiyot fanlari doktori, professor, Rossiya Tibbiyot fanlari akademiyasi akademigi (2011) va 2013-yildan Rossiya Fanlar akademiyasi direktori. Koʻz kasalliklari ilmiy-tadqiqot instituti rahbari (2001—2018). Koʻz kasalliklari ilmiy-tadqiqot instituti ilmiy direktori (2018-yildan), Sechenov Moskva tibbiyot universitetida Oftalmologiya kafedrasi mudiri. Rossiya Federatsiyasining xizmat koʻrsatgan shifokori (2004), Rossiya Federatsiyasining xizmat koʻrsatgan fan arbobi (2011). „Oftalmologiya xabarnomasi“ jurnalining bosh muharriri va „Oftalmologiya“ jurnali tahririyat kengashi aʼzosi, Armaniston Milliy Fanlar akademiyasining xorijiy aʼzosi (2011).

Biografiyasi

1950-yil 15-aprelda Samarqandda tugʻilgan. Otasi – Eduard Sergeyevich Avetisov (1921-yil 23-dekabr, Samarqand – 2001-yil 7-avgust) – oftalmolog, tibbiyot fanlari doktori, professor. Koʻz kasalliklari ilmiy-tadqiqot instituti direktorining fan boʻyicha oʻrinbosari. Helmholtz, Rossiya Federatsiyasida xizmat koʻrsatgan fan arbobi.

1973-yilda I. M. Sechenov nomidagi Birinchi Moskva davlat tibbiyot universitetining davolash fakultetini tamomlagan, oʻqishni tugatgandan boshlab Koʻz kasalliklari ilmiy-tadqiqot institutiga ishga joylashgan(2001—2018-yillarda ilmiy-tadqiqot institutiga rahbarlik qilgan), 2018-yildan boshlab – Koʻz kasalliklari ilmiy-tadqiqot instituti ilmiy direktori lavozimida faoliyat yuritib kelmoqda.

Oʻgʻli, Konstantin Sergeyevich Avetisov – oftalmolog, tibbiyot fanlari nomzodi (2011), tibbiyot fanlari doktori (2020), Koʻz kasalliklari ilmiy-tadqiqot instituti katta ilmiy xodimi.

Ilmiy faoliyati

Avetisovning ilmiy faoliyatining asosiy yoʻnalishi – oftalmologiya boʻyicha, xususan, koʻz sohasi jarrohlik amaliyotlari, optometriya, oftalmoergonomika shular jumlasidandur. 400 dan ortiq ilmiy ishlar, darsliklar, monografiyalar va maʼlumotnomalar muallifi.

Sergey Avetisov ametropiyani jarrohlik yoʻli bilan davolashning foydali tomonlarini amalda isbotlab bergan, tugʻma kataraktali bolalarni reabilitatsiya qilish tizimini ishlab chiqgan.

Ilmiy nashrlari

• Bolshunov A., Sobol E., Avetisov S., Baum O., Siplivy V., Omelchenko A., Fedorov A. A new method of the eye refraction correction under non-ablative laser radiation (angl.) // Acta ophthalmologica. – Vol. 89. – doi:10.1111/j.1755-3768.2011.2172.x.
• Аветисов С. Э., Криглстайн Г. К., Ионеску-Сайперс К. П., Северин М., Вобиг М. А.. Атлас по офтальмологии. М.: Медицинское информ. агентство, 2009 — 432-bet. ISBN 978-5-8948-1717-0.