Rizo Pahlaviy (shahzoda)
| Rizo Pahlaviy | |
|---|---|
forscha: رضا پهلوی | |
 | |
  | |
|
Mansab davri 28-iyul 1981-yil – hozirgacha |
Shahzoda Rizo Pahlaviy (31-oktyabr 1960-yil; Tehron) – Pahlaviylar uyining boshligʻi, hozirda tugatilgan Eron Shahanshohlik davlatining valiahd shahzodasi (shahzoda), Eronning oxirgi shahanshohi – Muhammad Rizo Pahlaviyning toʻngʻich oʻgʻli.
1967-yildan u Eronning valiahd shahzodasi boʻlib, taxtni otasi Muhammad Rizo Pahlaviydan keyin egallashi kerak edi. Ammo 1979-yilgi Erondagi Islom inqilobi tufayli oilasi bilan birgalikda Eronni tark etishga majbur boʻladi.
Eronda amalda boʻlgan diniy islom respublikasining asosiy tanqidchilaridan biri. U Eronda faoliyati taqiqlangan Eron Milliy kengashining asoschisi va rahbari sanaladi. Hozirgi kunda AQShda yashaydi.
Tarjimayi hol
[tahrir | manbasini tahrirlash]Bolalik yillari
[tahrir | manbasini tahrirlash]
Rizo Pahlaviy 1960-yil, 31-oktyabrda Tehronda tugʻilgan. U Muhammad Rizo Pahlaviyning toʻngʻich farzandidir. Onasi – Eronlik Shohbonu Farah Pahlaviy 1959-yilda Muhammad Rizo Pahlaviy bilan turmush qurgan.
Maktabni tugatgandan soʻng, yosh Rizo Pahlaviy Eron Imperator havo kuchlariga kichik ofitser sifatida ishga qabul qilingan. 1977-yilda, 17 yoshida u AQShga parvozlar boʻyicha mashgʻulotlar uchun yuboriladi. AQShda u Uilyams kollejida tahsil olgan, ammo bir muncha vaqt oʻtgach, vatani Eronda boshlangan tartibsizliklar sababli oʻqishni toʻxtatishga majbur boʻladi. Koʻp oʻtmay, 1979-yilda Eronda Islom inqilobi sodir boʻladi va Eron shohi oilasi bilan birgalikda mamlakatni tark etishga majbur boʻladi. Tez orada Eronda Eron Islom Respublikasi tashkil topadi .
Shaxsiy hayoti
[tahrir | manbasini tahrirlash]Oila
[tahrir | manbasini tahrirlash]Otasi – Shoh Muhammad Rizo Pahlaviy 1919-yilda tugʻilgan va 1980-yilda vafot etgan. Onasi – Shohbonu Farah Pahlaviy 1938-yilda tugʻilgan . Farah Pahlaviy hozirda AQShda istiqomat qiladi. Rizo Pahlaviyning ikki singlisi va bir ukasi bor. Ukasi shahzoda Ali Rizo Pahlaviy 1966-yilda tugʻilgan. 2011-yilning yanvar oyida oʻz joniga qasd qilgan. Opa-singillari – malika Farahnoz Pahlaviy (1963) va malika Leyla Pahlaviy (1970-2001). 2001-yil, iyun oyida mehmonxonada xonasidan oʻlik holda topilgan.
1986-yil, 12-iyunda Rizo Pahlaviy 1968-yili Tehronda tugʻilgan Yasmin Pahlaviy bilan turmush qurgan. Yasmin Pahlaviy 1970-yillarning oxirida Erondan Qoʻshma Shtatlarga koʻchib oʻtdi va AQShda Jorj Vashington universitetini tamomladi. Rizo va Yasmin Pahlaviyning uchta qizi bor: malika Nur, malika Imon va malika Farah.
Diniy eʼtiqodlar
[tahrir | manbasini tahrirlash]Rizo Pahlaviy oʻz intervyularidan birida din haqida alohida toʻxtalib oʻtib „Bu har bir kishining shaxsiy ishi, lekin siz mening eʼtiqodim hamda shia-musulmonligimni bilishingiz mumkin. Men juda dindor odamman“ [1] deb aytgan. Makkaga borib qodir musulmonlarga farz boʻlgan haj ibodatini [2] amalga oshiradi.
Unvoni
[tahrir | manbasini tahrirlash]- Imperator oliy hazratlari Eron valiahd shahzodasi (Shahzoda).
Darajasi
[tahrir | manbasini tahrirlash]- Eron Imperator havo kuchlarining kichik ofitseri
Nashrlar
[tahrir | manbasini tahrirlash]- Реза Пехлеви. IRAN: L’Heure du Choix. Denoël, 2009. ISBN 978-2207261033.
- Reza Pexlevi, Winds of Change: The Future of Democracy in Iran, Regnery Publishing Inc., 2002, ISBN 0-89526-191-X.
- Reza Pexlevi, Gozashteh va Ayandeh, London: Kayham Publishing, 2000.[3]
Va shuningdek…
[tahrir | manbasini tahrirlash]Eslatmalar
[tahrir | manbasini tahrirlash]- ↑ Soloman, Deborah. „The Exile“. The New York Times Magazine (2009-yil 26-iyun). 2018-yil 19-dekabrda asl nusxadan arxivlangan. Qaraldi: 2018-yil 8-yanvar.
- ↑ Reza Bayegan. „Reza Pahlavi and the Question of Religion“. Payvand. 2018-yil 8-yanvarda asl nusxadan arxivlangan. Qaraldi: 2018-yil 8-yanvar.
- ↑ „Reza Pahlavi´s Web site“. 2020-yil 1-noyabrda asl nusxadan arxivlangan. Qaraldi: 2014-yil 25-iyun.
Adabiyotlar
[tahrir | manbasini tahrirlash]- James D. Cockcroft.. Mohammed Reza Pahlavi, Shah of Iran. Chelsea House Publishers, 1989. ISBN 1555468470, 9781555468477.
- Linda Barth.. Mohammed Reza Pahlavi. Chelsea House Publishers, 2002. ISBN 0791069486, 9780791069486.
Havolalar
[tahrir | manbasini tahrirlash]- Rasmiy sayti
- Ofitsialniy sayt dinastii Pexlevi
- Videokanal Reza Pexlevi na YouTube
- Реза Пехлеви Twitter sahifasi
