Mansur ibn Jumhur al-Kalbiy
Mansur ibn Jumhur al-Kalbiy (arabcha: منصور بن جمهور الكلبي) – VIII asrda yashagan arab sarkardasi, arab qabilalari rahbarlaridan biri. Uchinchi fitna davrida muhim rol oʻynagan.
Mansur Banu Kalb qabilasining Amir boʻlimi aʼzosi boʻlgan. 744-yil boshida xalifa al-Volid II ni taxtdan agʻdarish uchun uyushtirilgan fitnada ishtirok etgan[1]. Volid oʻldirilganidan keyin uning oʻrniga hokimiyat tepasiga kelgan Yazid III Yaman qabilalari aʼzolarini qoʻllab-quvvatlagan va Mansurni Yusuf as-Saqafiyning oʻrniga Iroq hokimi etib tayinlagan. Ushbu lavozimda qisqa muddat faoliyat olib borgan, chunki oradan koʻp oʻtmay, uning oʻrnini xalifa Umar II ning oʻgʻli Abdulloh ibn Umar ibn Abdulaziz egallagan. Mansur hokimligi davrida Xuroson hokimi Nasr ibn Sayyorning oʻrniga oʻzining ukasi Manzurni nomzod qilib koʻrsatgan, Nasrni lavozimidan boʻshatishga harakat qilgan, ammo Nasr Mansurning oʻzi lavozimdan ketguniga qadar oʻz oʻrnini saqlab qolgan[1].
Manbalar
[tahrir | manbasini tahrirlash]- ↑ 1,0 1,1 Crone 1980.
Adabiyotlar
[tahrir | manbasini tahrirlash]- Crone, Patricia. Slaves on Horses: The Evolution of the Islamic Polity. Cambridge: Cambridge University Press, 1980. ISBN 0-521-52940-9.
- Hawting, Gerald R.. The First Dynasty of Islam: The Umayyad Caliphate AD 661–750, Second, London and New York: Routledge, 2000. ISBN 0-415-24072-7.