Koʻr muzikachi

Koʻr muzikachi

Asl nomi	Слепой музыкант
Muallif(lar)	Vladimir Korolenko
Tarjimon(lar)	Tojiboy Qosimov
Til	ruscha
Janr(lar)i	qissa
Nashr etilgan sanasi	1886
Nashriyot	„Yosh gvardiya“
Oʻzbek tilida nashr etilgan sanasi	1981
Sahifalar soni	144

„Koʻr muzikachi“ (ruscha: Слепой музыкант) — rus va ukrain yozuvchisi Vladimir Korolenko qalamiga mansub qissa. Ilk bor 1886-yil chop etilgan. 1898-yil kitob oltinchi bor nashr etilganidan keyingina Korolenko asar matnini tahrir qilishdan to‘xtadi.

Qissada onadan koʻzi ojiz boʻlib tugʻilgan isteʼdodli bola haqida hikoya qilinadi. Asarni oʻzbek tiliga Tojiboy Qosimov tarjima qilgan.

Syujeti

Ukraina janubi-gʻarbida qishloqda yashovchi boy pomeshchiklar uyida koʻr bola tugʻiladi. Unga Pyotr ismini berishadi. Bolaning onasi hamda togʻasi Maksim bolakayga ovozlar maʼnosini va jismlarni ushlab aniqlashni oʻrgatadilar.

Pyotrda Evelinadan boshqa doʻsti boʻlmaydi. Ulgʻaygach ikkisining doʻstligi yanada kuchayadi. Pyotr Evelinaga uylanadi, juftlik oʻgʻil koʻradi. Otasi oʻgʻli ham koʻri boʻlishidan qoʻrqadi. Ammo bolasi soppa-sogʻ boʻladi.

Oradan uch yil oʻtib Pyotr musiqiy isteʼdodi tufdayli nom chiqaradi. Kiyevda koʻplab odam koʻr muzikachi ijrosini eshitish uchun toʻplanadi. Maksim Pyotr hayotni toʻliq his qilganiga amin boʻladi, bunga oʻz hissasini qoʻshganidan suyunadi.

Qahramonlari

• Pyotr – koʻr muzikachi
• Maksim – Pyotrning togʻasi
• Evelina – Pyotrning rafiqasi

Oʻzbekcha tarjimasi

Asarni oʻzbek tiliga Korolenkoning 1953-yil „Pravda“ nashriyoti chop etgan „Asarlar“ toʻplamidan Tojiboy Qosimov tarjima qilgan. Oʻzbekcha nashr 1981-yil Toshkent shahrida „Yosh gvardiya“ nashriyotida chop etilgan. Oʻzbekcha nashrni tayyorlashda quyidagi shaxslar ishtirok etgan: D. Bekilova – muharrir, A. Vizel – rassom, A. Gʻulomov – rasmlar muharriri, L. Burkina – texnik muharrir, M. Yunusova – musahhih. Kitob adadi – 75 000 nusxa. Shuningdek, qissa „Chinovnikning oʻlimi. Koʻr muzikachi“ toʻplamiga ham kiritilgan.