Ketmontov

Ketmontov — Tyanshandagi togʻ tizmasi. Gʻarbiy qismi Qirgʻiziston Res-publikasi, sharqiy qismi Xitoy hudu-dida. Uz 300 km, bal. 3638 m gacha (Osmontogʻ). Granit, ohaktosh va porfirdan tarkib topgan. Togʻ tepalari yassi, shimoliy yon bagʻri keng, janubiy yon bagʻri qisqa va tik. Togʻ etaklari va janubiy yon bagʻri dasht oʻsimliklari, shimoliy yon bagʻri esa Tyanshan qoraqaragʻay oʻrmonlari va oʻtloqlari bilan band.