Gennadiy Kurbatkin
| Shaxsiy maʼlumotlari | |
|---|---|
| Tavalludi |
23-iyul, 1930-yil Toshkent |
| Vafoti |
9-sentyabr 2011-yil Moskva |
| Ilmiy unvoni | fizika-matematika fan doktori |
Gennadiy Pavlovich Kurbatkin (1930-yil 23-iyul, Toshkent – 2011-yil 9-sentyabr, Moskva) – sovet va rus meteorologi, SSSR Fanlar akademiyasining muxbir aʼzosi (1976)[1].
Hayoti
[tahrir | manbasini tahrirlash]Gennadiy Kurbatkin 1930-yil 23-iyulda Toshkent shahrida tavallud topgan.
Gennadiy Pavlovich Qizil Armiya qoʻmondoni, general-leytenant P. S. Kurbatkinning oʻgʻli.
Oʻrta Osiyo (Toshkent) universitetini tugatgan (1953). I. A. Kibelning shogirdi.
Gennadiy 1955-yildan 1957-yilgacha SSSR Fanlar akademiyasining atmosfera fizikasi institutida, 1957–1961-yillar oraligʻida amaliy geofizika institutida va 1961–1963-yillarda SSSR Gidrometeorologiya xizmatida faoliyat olib borgan.
Kurbatkin 1963–1984-yillarda SSSR Fanlar akademiyasining Sibir filiali Matematika institutida fizika va kimyo masalalari laboratoriyasiga rahbarlik qilgan. 1964-yildan SSSR Fanlar akademiyasining Sibir boʻlimi hisoblash markazining ob-havo prognozi laboratoriyasida (boʻlimi) mudir lavozimida ishlagan.
Gennadiy Pavlovich 1964-yildan 1971-yilgacha Novosibirsk davlat universitetining dotsenti boʻlgan.
Pavlovich 1983-yildan Moskvada ishlagan. Roshidromet va Rossiya Fanlar akademiyasining SSSR Gidrometeorologiya ilmiy-tadqiqot markazi direktorining oʻrinbosari hamda Global iqlim va ekologiya instituti iqlim dinamikasi boʻlimi boshligʻi (1989-yildan) lavozimida ishlagan.
Atmosfera jarayonlari dinamikasini raqamli modellashtirish, atmosfera sirkulyatsiyasi nazariyasi va gidrodinamik uzoq muddatli ob-havo prognozi boʻyicha ilmiy tadqiqotlar olib borgan.
Kurbatkin fizika-matematika fanlari doktori (1971, „Ultra-uzoq atmosfera toʻlqinlari va uzoq muddatli ob-havo prognozi“ dissertatsiyasi), SSSR Fanlar akademiyasining muxbir aʼzosi boʻlgan (1976, atmosfera fizikasi).
Kurbatkin "Hurmat belgisi" ordeni va medallar bilan taqdirlangan.
Gennadiy Pavlovich 2011-yil 9-sentyabrda Moskva shahrida vafot etgan. U Troyekurovskoye qabristoniga dafn etilgan[2].
Manbalar
[tahrir | manbasini tahrirlash]- ↑ „Курбаткин Геннадий Павлович“. Qaraldi: 2023-yil 5-noyabr.
- ↑ „Московские могилы. Курбаткин Г.П.“. www.moscow-tombs.ru. 2020-yil 6-avgustda asl nusxadan arxivlangan. Qaraldi: 2021-yil 21-fevral.