Chiziq

Chiziq (lotincha Linea) — tasviriy sanʼat va rassomchilikda ifodali tasviriy vosita. Chiziq, grafik yoki boʻyoq vositalari bilan tasviriy yuzaga chizish orqali yuzaga keladi. Chiziq doim qalinlik, farqlilik va uslubga ega boʻladi. Tasviriy sanʼatda chegara, biror-bir yuza va oʻrab turuvchi muhit konturi hisoblanadi.

Chiziq — rus va ingliz (inglizcha: line) oʻlchov tizimlarida masofa oʻlchov birligi.

• Rus va ingliz oʻlchov tizimlarida 1 chiziq („katta“) = 1/10 dyuym = 2,54 mm.

• Ingliz oʻlchov tizimida 1 chiziq („kichik“) = 1/12 dyuym = 2,11666666… mm.

• „Fransuz“ chizigʻi = 1/144 „normal fut“ = 2,255 mm.

Hozirda ishlatilishi

• Katta chiziqlarda qurolning kalibri oʻlchanadi, masalan uch chiziqli vintovka oʻqining diametri 3 chiziq, yaʼni 2,54 mm · 3 = 7,62 mm.

• Fransuz chiziqlarida soat mehanizmlarining kalibri (diametri) oʻlchanadi.