Anpachi (Gifu)

Anpachi 安八町
Shaharcha
Bayroq Gerb
35°20′7.2″N 136°39′55.4″E
Mamlakat	Yaponiya
{{{mintaqa_turi}}}	Chubu viloyati
Maydon	18.19 km2 (7.02 kv mi)
Rasmiy til(lar)i	yapon
Aholisi  (2018-yil 1-dekabr)	15 072
Zichligi	830 kishi/km2
Vaqt mintaqasi	UTC+9:00
Telefon kodi	0584-64-3111
Anpachi

Anpachi (yaponcha: 安八町 Anpachi-chō) Yaponiyaning Gifu prefekturasida joylashgan shaharchadir. 2018-yil 1-dekabr holatiga koʻra, shaharda 5291 ta xonadonda 15072 nafar aholi istiqomat qilgan, aholi zichligi esa har kvadrat kilometrga 830 kishini tashkil qiladi. Shaharning umumiy maydoni 18,16 kvadrat kilometrni tashkil etdi (7,01 mi²).

Geografiyasi

Anpachi Gifu prefekturasining janubi-gʻarbiy hududida, Nobi tekisligining shimoli-gʻarbiy qismida joylashgan. Shahardan Ibi daryosi va Nagara daryosi oqib oʻtadi. Shahar botqoqli tekisliklarda bunyod etilgan boʻlib, koʻpincha suv toshqinlari yuzaga kelishi kuzatiladi.

Iqlimi

Shahar issiq va nam yoz hamda yumshoq qish bilan tavsiflangan iqlimga ega (Köppen iqlim tasnifi Cfa). Anpachida oʻrtacha yillik harorat 15,4 °C ni tashkil etadi. Yillik oʻrtacha yogʻingarchilik miqdori 1877 mm boʻlib, sentyabr esa eng seryogʻin oy hisoblanadi. Avgustda eng yuqori harorat 27,7 °C, eng past harorati esa yanvarda, 4,1 °C atrofida boʻladi.

Qoʻshni munitsipalitetlar

• Gifu prefekturasi
  • Ōgaki
  • Hashima
  • Mizuho

Demografiyasi

Yaponiya aholini roʻyxatga olish maʼlumotlariga koʻra, Ampachi aholisi soni soʻnggi 50 yil ichida nisbatan barqaror boʻlib qolgan.

Aholining oʻsishi

Yil	Aholi	±%
1970	12,354	—
1980	13,901	+12.5%
1990	15,085	+8.5%
2000	15,078	−0.0%
2010	15,271	+1.3%
2020	14,355	−6.0%

Tarixi

Anpachi atrofidagi hudud anʼanaviy Mino viloyatining bir qismi boʻlgan va „Anpachi“ nomi Nara davri yozuvlarida, shu jumladan Nihon Shokida ham uchraydi. Edo davrida u asosan Ōgaki domeni tomonidan nazorat qilingan. Meiji restavratsiyasidan keyingi kadastr islohotlari davomida hudud Anpachi tumani tarkibida tashkil etilgan. 1955-yilda Musubu, Namori va Maki nomli uchta qishloq birlashib, Apache qishlogʻini tashkil etgan. 1960-yil 1-aprelda Anpachi shaharcha maqomini oldi.

Iqtisodiyoti

Mahalliy iqtisodiyotning asosiy tarmogʻi qishloq xoʻjaligi (guruch, sabzavot, sut, parrandachilik) va yengil sanoat (kompyuter bilan bogʻliq mahsulotlar, sut mahsulotlari, kimyo) mahsulotlari husoblanadi.

Taʼlim tizimi

Anpachida uchta davlat boshlangʻich maktabi hamda shahar hukumati tomonidan boshqariladigan ikkita davlat oʻrta maktabi faoliyat yuritadi. Shaharda yuqori maktab mavjud emas.

Transport

Temir yoʻl

Shaharda yoʻlovchi temir yoʻl qatnovi mavjud emas.

Magistral yoʻl

• Meishin tezkor yoʻli
• Milliy yoʻnaish

Mahalliy diqqatga sazovor joylar

Shaharda uzunligi 300 m dan ortiq boʻlgan fotovoltaik energiya ishlab chiqarish inshooti Quyosh Arkasi joylashgan.

Qardosh shahar munosabatlari

Yaponiyada

• Fukui, Fukui, Yaponiya

Chet elda

• Crowsnest dovoni, Alberta, Kanada

Anpachilik taniqli odamlari

• Arashiyama Jirō — 2004-yilgi yozgi Olimpiya oʻyinlarida dzyudo boʻyicha kumush medal sovrindori

Galereya

Omori tarixiy yodgorlik majmuasi

Havolalar

• Rasmiy sayti (yaponcha)