Aleksey Petrushin

Aleksey Petrushin

Shaxsiy maʼlumot
Toʻliq ismi	Aleksei Alekseyevich Petrushin
Tavallud sanasi	29-yanvar 1952-yil (1952-01-29)
Tavallud joyi	Lyubertsi, RSFSR
Boʻyi	1.74 m
Ampluasi	Himoyachi, Yarim himoyachi
Yoshligida aʼzo boʻlgan klublar
1961—1965	ODO Lyubertsy
1966—1968	Torpedo Lyubertsy
Professional faoliyati*
Yillar	Jamoa	Isht.	(Gol.)
1969	Torpedo Lyubertsy
1970—1981	Dinamo Moskva	244	(21)
1981—1984	Pakhtakor Toshkent	78	(2)
1985	Kuban Krasnodar	6	(0)
Boshqargan klublari
1985	Shahrihanets Shahrixon (yordamchi)
1986—1987	Paxtakor Andijon (yordamchi)
1990	Paxtakor Andijon
1991	Prometey Lyubertsy
1992	Dynamo-Gazovik Tyumen (assistant)
1992	Dynamo-Gazovik Tyumen
1993—1994	Arsenal Tula
1995	Spartak Shchyolkovo
1996—1998	Dynamo-2 Moscow (yordamchi)
1998	Dinamo Moskva (yordamchi)
1999	Dinamo Moskva
2001	Khimki
2003	Lukoil Chelyabinsk
2004—2005	Qayrat
2006	Dinamo Minsk
2007	Metallurg Lipetsk
2008	Lukhovitsy
2009—2010	Sokol Saratov
2011—2012	Chelyabinsk
2014—2015	Spartak Semey
2017—2018	Ordabasi
2020	Aktobe
*Professional klublardagi gollari (ichki chempionat)

Aleksey Alekseevich Petrushin (ruscha: Петрушин, Алексей Алексеевич; 29-yanvar 1952-yil Moskva viloyati SSSR) – sovet futbolchisi, sovet va rus futbol murabbiyi. SSSR xalqaro toifadagi sport ustasi (1979). Yarim himoyachi sifatida oʻynagan.

Futbolchilik faoliyati

Aleksey ODO va „Torpedo“ (Lyubertsi) bolalar jamoalari tarbiyalanuvchisi hisoblanib, Torpedo jamoasida professional faoliyatini boshlagan. Birinchi murabbiy I. F. Baykov.

Petrushin1972-yil 3-iyunda Moskavaning „Dinamo“ klubi asosiy tarkibida debyut qilgan. Aleksey „Dinamo“ jamoasi safida jami 305 ta oʻyin oʻtkazgan boʻlib (SSSR chempionatlarida 244 ta oʻyin oʻtkazgan holda, mamlakat kubogida 42 ta va yevrokuboklarda 19 ta), 24 ta gol urgan.

Moskvaning „Dinamo“ jamoasidan soʻng keyinchalik Toshkentning „Paxtakor“ va Krasnodarning „Kuban“ klublarida oʻynagan

Samarali va tirishqoq, u barcha oʻyin harakatlarini yuqori tezlikda bajardi, sheriklar bilan birga oʻynashda foydali boʻldi, oʻyin intizomiga qatʼiy rioya qildi.

– — „100 yil davomida rus futboli“ entsiklopediyasi. 1997-yil oktyabr

Murabbiylik faoliyati

Aleksey 1985-yil Oʻzbekistonda murabbiylik faoliyatini boshlagan. Dastlab Shahrixonning „Shaxrixonets“, Andijonning „Paxtakor“ jamoalarida yordamchi murabbiy boʻlgan. 1990-yilda Sovet Ittifoqi Oliy murabbiylar maktabini tamomlagan. Shundan soʻng „Prometey“ (Lyubertsi), „Dinamo-Gazovik“ (Tyumen), „Arsenal“ (Tula), „Spartak“ (Shchelkovo), „Dinamo“ (Moskva), „Shinnik“ (Yaroslavl), Ximki (Moskva), Lukoyl (Chelyabinsk), Qayrat (Olma-Ota), Metallurg (Lipetsk), Luxovitsi jamoalariga murabbiylik qilgan.

2010-yilda Aleksey Sokol Saratov jamoasini boshqargan. 2011—2012-yillarda „Chelyabinsk FK“ jamoasini boshqargan. 2014-yilning 19-mayidan Petrushin Semipalatinskning „Spartak“ jamoasi rahbariyati bilan kelishuvga erishgan va bosh murabbiy sifatida faoliyat olib borgan. 2015-yilgi mavsum oxirida Aleksey „Spartak“ jamoasini tark etgan.

2017-yilning fevral oyida u Qozogʻistonning „Ordabasi“ klubiga bosh murabbiy etib tayinlangan. Jamoa Aleksey qoʻl ostida mavsumda ilk bor Qozogʻiston chempionatining bronza medali sohibiga aylangan. 2018-yilning yanvarida klub prezidenti Baxtiyar Bayseyitov ketganidan keyin klubni tark etgan.

Futbolchilik yutuqlari

• 1976-yilgi SSSR chempioni
• 1977-yilgi SSSR kubogi gʻolibi
• 1979-yilgi SSSR kubogi finalchisi
• SSSR chempionatlarining bronza medali sovrindori 1973, 1975
• 1979-yilda Moskva jamoasi tarkibida SSSR xalqlari Spartakiadasi chempioni
• 1977-yilgi mavsum kubogi sohibi

Murabbiylik yutuqlari

• Uchinchi liga 3-zonasi gʻolibi: 1996, 1997.

• Qozogʻiston chempioni: 2004
• Qozogʻiston chempionatining bronza medali sovrindori: 2005
• Qozogʻistonning eng yaxshi murabbiyi 2005.

• Belarus chempionatining kumush medali sovrindori: 2006.

• Qozogʻiston chempionatining bronza medali sovrindori: 2017

Havolalar

• fc-dynamo.ru saytidagi profil
• „Aleksey Petrushin: "90-yillar boshidagi futbolni eslashni xohlamayman" (intervyu)“. Haftalik "Futbol". 2009-yil 8-fevralda asl nusxadan arxivlangan. Qaraldi: 2019-yil 26-mart.