Abulfazl Sog'arjiy

Abulfazl Sog'arjiy
Abulfazl Sog'arjiy
Shaxsiy maʼlumotlar
Dini	Islom
Tanilgan sohasi	Muhaddis, Roviy

Abulfazl Sogʻarjiy (arabcha: أبو الفضل الصغرجي — Abulfazl Abbos ibn Tayyib Sogʻarjiy Soʻgʻdiy) — muhaddis va roviy.

Hayoti

Abulfazl Sogʻarjiy oʻrta asrlarda Ishtixon shahriga qarashli Sogʻarj qishlogʻida tavallud topgan.

Ustozi

U Boshlangʻich taʼlimni Sogʻarjdagi olimlardan oʻrgangan. Keyinchalik Ishtixon shahriga borib, ilk ustozi Ahmad ibn Hishom Ishtixoniydan hadis ilmi sir-asrorlarini oʻrgangan va hadislar rivoyat qilgan.^[1]

Shogirdi

Abulfazl Sogʻarjiydan uning nabirasi Dehqon Abu Ahmad Hasan ibn Ali ibn Jabroil Sogʻarjiy va boshqa kishilar hadis rivoyat qilgan^[2].

Rivoyat qilgan hadis

Najmiddin Umar Nasafiyning „Al-qand fiy zikri ulamoi Samarqand“ kitobida keltirilishicha, Abulfazl Abbos ibn Tayyib Sogʻarjiy Ahmad ibn Hoshim Ishtixoniydan quyidagi hadisni rivoyat qilgan: Ahmad ibn Hoshim Ishtixoniy bizga Maʼruf ibn Hasson hadis aytdi, — dedi. U: Bizga Muʼmar ibn Zarr u esa Qatodadan, u esa Anas ibn Molik raziyallohu anhudan hadis aytdi, — dedi. U: "Rasululloh sollallohu alayhi vasallam: "Kimki biror namozini unutib, uni oʻz vaqtida oʻqiy olmay qolsa yoki uxlab qolib, uni qazo qilib qoʻysa, esiga tushgani hamon uni oʻqib olsin! Alloh taolo: „… va yod qilingiz Parvardigoringizni qachon unutsangiz…“^[3], — deydi" deb marhamat qilganlar", — dedi^[4]. Manbalarda Abulfazl Sogʻarjiyning tavallud topgan va vafot etgan yili haqidagi maʼlumotlar uchramadi.

Manbalar

↑ Oʻrta asr sharq allomalari va mutafakkirlarining tarixiy-falsafiy merosi ensiklopediyasi. — Samarqand. Imom Buxoriy xalqaro markazi, 2016. — B. 613.
↑ Abu Abdulloh Yoqut Hamaviy. Muʼjam al-buldon. J. 3. — Bayrut, 1979.
↑ Qurʼoni karim maʼnolarining tarjima va tafsiri. Tarjima va tafsir muallifi Shayx Abdulaziz Mansur — T.: TIU, 2007. „Kahf“ surasi, 24-oyat.
↑ Najmiddin Umar ibn Muhammad ibn Ahmad Nasafiy. Al-qand fiy zikri ulamoi Samarqand. — Tehron, 1999. Najmiddin Umar ibn Muhammad Nasafiy. Samarqandiya. — T.: „Oʻzbekiston milliy ensiklopediyasi“ Davlat ilmiy nashriyoti, 2001.

Adabiyotlar

Isaev Y., Abbosov A. Ishtixoniy allomalar. Imom Buxoriy xalqaro markazi. 2016.

Ushbu maqolada Oʻrta asr Sharq allomalari ensiklopediyasi maʼlumotlaridan foydalanilgan.

Islom shaxsiyati haqidagi ushbu maqola chaladir. Siz uni boyitib, Vikipediyaga yordam berishingiz mumkin.

Bu maqolada boshqa til boʻlimlariga ishorat yoʻq.
Siz ularni topib va ushbu maqolaga qoʻshib, loyihaga yordam berishingiz mumkin.

[1] Oʻrta asr sharq allomalari va mutafakkirlarining tarixiy-falsafiy merosi ensiklopediyasi. — Samarqand. Imom Buxoriy xalqaro markazi, 2016. — B. 613.

[2] Abu Abdulloh Yoqut Hamaviy. Muʼjam al-buldon. J. 3. — Bayrut, 1979.

[3] Qurʼoni karim maʼnolarining tarjima va tafsiri. Tarjima va tafsir muallifi Shayx Abdulaziz Mansur — T.: TIU, 2007. „Kahf“ surasi, 24-oyat.

[4] Najmiddin Umar ibn Muhammad ibn Ahmad Nasafiy. Al-qand fiy zikri ulamoi Samarqand. — Tehron, 1999. Najmiddin Umar ibn Muhammad Nasafiy. Samarqandiya. — T.: „Oʻzbekiston milliy ensiklopediyasi“ Davlat ilmiy nashriyoti, 2001.

[1]

[2]

[3]

[4]