Zamira Amirova
Zamira Shamiliyevna Amirova (1979-yil 11-iyunda tug'ilgan) - nafaqadagi o'zbekistonlik o'rta masofaga yuguruvchi sportchi. Toshkentda tug'ilgan, 800 metrga yugurish ixtisosligi bo'yicha tayyorlangan. U o'z shaxsiy eng yaxshi rekordi - 2:02.30 daqiqa, 2002-yil iyun oyida Toshkentda erishgan.
Faoliyati
[tahrir | manbasini tahrirlash]1999-yildan boshlab u xalqaro musobaqalarda qatnasha boshladi. Olmaotada (Qozogʻiston) Gusman Kosanov xotirasiga bagʻishlangan xalqaro turnirda 800 metrga 2:05,35 natija bilan birinchi oʻrinni egallaydi.
2000-yilda Sidneyda (Avstraliya) bo'lib o'tgan yozgi Olimpiya o'yinlarida u 4 × 400 metrga estafetada qatnashdi, ammo saralashdan o'ta olmaydi[1]. O'sha yili Olmaotada 800 metrga yugurishda u yana birinchi o'rinni egalladi. 2001-yilda Bishkek, Olma-Ota va Bangkok shaharlarida oʻtkazilgan xalqaro musobaqalarda gʻolib chiqdi[2].
2002-yilda Kolomboda (Shri-Lanka) yengil atletika boʻyicha oʻtkazilgan Osiyo chempionatida 400 metrga yugurishda kumush, 800 metrga yugurishda esa bronza medalini qoʻlga kiritdi[3]. Pusan shahrida (Janubiy Koreya) boʻlib oʻtgan yozgi Osiyo oʻyinlarida 800 metr masofaga 2:05.05 natija bilan bronza medalini qoʻlga kiritdi.
2003-yilda Manilada (Filippin) bo'lib o'tgan yengil atletika bo'yicha Osiyo chempionatida u 800 metrga yugurishda bronza medalini qo'lga kiritdi, ammo 400 metrga yugurish saralashiga erisha olmadi. Dushanbe (Tojikiston) shahrida boʻlib oʻtgan Markaziy Osiyo oʻyinlarida 800 metr masofaga yugurishda kumush medalni qoʻlga kiritdi. 2004-yili Oʻzbekiston kubogida 400 metr masofaga 52,23 ball bilan birinchi oʻrinni egalladi. Afinada (Gretsiya) bo'lib o'tgan Yozgi Olimpiya o'yinlarida 400 metr masofada u 54,43 natija ko'rsatdi, ammo bu turnirning final qismiga borish uchun yetarli emas edi.
2005-yilda Incheonda (Koreya Respublikasi) yengil atletika boʻyicha oʻtkazilgan Osiyo chempionatida 800 metr masofaga yugurishda bronza medalini qoʻlga kiritdi. Oʻsha yili Toshkentda oʻtkazilgan Oʻzbekiston kubogida birinchi oʻrinni egalladi. 2006-yilda Dohada (Qatar) bo'lib o'tgan yozgi Osiyo o'yinlarida 800 metr masofaga yugurishda bronza medalini qo'lga kiritdi[4]. Pattaya (Tailand) shahrida oʻtkazilgan yopiq inshootlardagi Osiyo chempionatida 800 metr masofaga 2:07,01 natija qayd etib, chempionatning oltin medalini qoʻlga kiritdi.
2012-yilda 400 metr masofaga oʻtkazilgan Oʻzbekiston chempionatida uchinchi oʻrinni egalladi va shundan soʻng sportdagi faoliyatini yakunladi.
2021-yildan Toshkent shahridagi oʻsmirlar sport maktabida murabbiy boʻlib ishlaydi.
Yutuqlari
[tahrir | manbasini tahrirlash]Representing  Oʻzbekiston
| |||||
|---|---|---|---|---|---|
| 2000 | Olimpiya o'yinlari | Sidney, Avstraliya | 21-o'rin (h) | 4 × 400 m estafeta | 3:43.96 |
| 2002 | Osiyo Chempionati | Kolombo, Shri-Lanka | 2-o'rin | 400 m | 53.87 |
| 3-o'rin | 800 m | 2:04.48 | |||
| Osiyo o'yinlari | Pusan, Janubiy Koreya | 3-o'rin | 800 m | 2:05.05 | |
| 2003 | Osiyo Chempionati | Manila, Filippin | 12-o'rin (h) | 400 m | 55.65 |
| 3-o'rin | 800 m | 2:02.84 | |||
| Afro-Osiyo o'yinlari | Haydarobad, Hindiston | 7-o'rin | 800 m | 2:09.00 | |
| 2004 | Yopiq inshootlardagi Osiyo chempionati | Tehron, Eron | 7-o'rin (h) | 400 m | 58.16 |
| Olimpiya o'yinlari | Afina, Gretsiya | 37-o'rin (h) | 400 m | 54.43 | |
| 2005 | Osiyo chempionati | Incheon, Janubiy Koreya | 3-o'rin | 800 m | 2:04.22 |
| 2006 | Yopiq inshootlardagi yengil atletika bo'yicha Osiyo chempionati | Pattaya, Tayland | 1-o'rin | 800 m | 2:07.01 |
| Asian Games | Doha, Qatar | 3-o'rin | 800 m | 2:03.59 | |
Manbalar
[tahrir | manbasini tahrirlash]- Zamira Amirova at World Athletics
- ↑ Sydney2000 Results. web.archive.org (11 сентября 2005). Дата обращения: 23 августа 2021.
- ↑ Zamira AMIROVA | Profile | World Athletics. www.worldathletics.org. Дата обращения: 23 августа 2021. Архивировано 23 августа 2021 года.
- ↑ Wayback Machine. web.archive.org (1 ноября 2013). Дата обращения: 23 августа 2021..
- ↑ 15th Asian Games Doha 2006. web.archive.org (10 декабря 2006). Дата обращения: 23 августа 2021.