Yashin Babayev
| Yashin Babayev | |
|---|---|
 | |
| Tavalludi |
26-mart 1967-yil Romitan tumani, Buxoro viloyati, Oʻzbekiston SSR |
| Fuqaroligi |
 Oʻzbekiston |
| Ish joylari | Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti |
| Taʼlimi | Toshkent qishloq xoʻjaligi instituti |
| Ilmiy darajasi | qishloq xoʻjaligi fanlari doktori |
| Ilmiy unvoni | professor |
| Mukofotlari |
 |
Yashin Amanovich Babayev (1967-yl 26-mart, Romitan tumani, Buxoro viloyati, Oʻzbekiston SSR) — oʻzbekistonlik olim, qishloq xoʻjaligi fanlari doktori[1], professor.
Biografiyasi
[tahrir | manbasini tahrirlash]Yashin Babayev 1967-yil 26-mart kuni Romitan tumani Toshmachit qishlogʻida ziyoli oilasida tugʻilgan[2]. Toshkent qishloq xoʻjaligi institutining agronomiya fakultetini tamomlagan (1991). 1992—1993-yillarda Oʻzbekiston Gʻoʻza seleksiyasi va urugʻchiligi ilmiy-tadqiqot instituti „Tezpishar va past boʻyli gʻoʻza navlari seleksiyasi“ laboratoriyasi laboranti, 1993—2001-yillarda ushbu laboratoriyaning kichik ilmiy xodimi, katta ilmiy xodimi, 2001—2005-yillarda shu institutning ilmiy kotibi, 2005—2006-yillarda institutning bosh direktori, 2007—2012-yillarda institutning „Gʻoʻza urugʻchiligi va urugʻshunosligi“ laboratoriyasi mudiri, 2012—2013-yillarda institut direktorining ilmiy ishlar boʻyicha oʻrinbosari, 2013—2014-yillarda institutning „Gʻoʻza urugʻchiligi va urugʻshunosligi“ laboratoriyasi mudiri, 2015—2016-yillarda Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti „Intensiv tipga mansub gʻoʻza navlari sseleksiyasi“ laboratoriyasi mudiri, 2016—2020-yillarda Paxta seleksiyasi, urugʻchiligi va yetishtirish agrotexnologiyalari ilmiy-tadqiqot instituti ilmiy kotibi, 2021-yildan Paxta seleksiyasi, urugʻchiligi va yetishtirish agrotexnologiyalari ilmiy-tadqiqot institutining „Intensiv gʻoʻza navlari seleksiyasi“ laboratoriyasi mudiri lavozimida faoliyat yuritib kelmoqda[2].
Ilmiy faoliyati
[tahrir | manbasini tahrirlash]Olim analitik, transgressiv va konvergent seleksiya usullarini qoʻllash hamda ularni takomillashtirish asosida intensiv, tezpishar, yuqori mahsuldor, vertitsillium va fuzarium vilt zamburugʻlarining yangi virulent patogenlariga bardoshli, tola chiqimi yuqori (38-40%) va sifati IV—V tipga javob beradigan yangi gʻoʻza navlarini yaratish boʻyicha ilmiy tadqiqotlar olib boradi. 115 dan ortiq ilmiy maqolalar va tezislar hamda 1 ta risola gʻoʻzaning S-8290, S-8294, S-8295, S-8296 va S-8292, S-8297 navlari muallifi. Oʻzbekiston Respublikasi mustaqilligining 25 yilligi va 2019-yilda esa Oʻzbekiston Respublikasi qishloq xoʻjaligi fidoyisi koʻkrak nishoni bilan taqdirlangan[2].