Xolboy Ibraimov

Xolboy Ibragimovich Ibraimov
Tavalludi	20-yanvar 1957-yil (1957-01-20) Payariq tumani, Samarqand viloyati, Oʻzbekiston SSR
Fuqaroligi	Oʻzbekiston
Kasbi	pedagog
Sohasi	pedagogika
Taʼlimi	Samarqand davlat pedagogika instituti
Ilmiy darajasi	pedagogika fanlari doktori
Ilmiy unvoni	professor, akademik
Mukofotlari

Xolboy Ibragimovich Ibraimov (1957-yil 20-yanvar, Payariq tumani, Samarqand viloyati, Oʻzbekiston SSR) — oʻzbekistonlik olim, pedagogika fanlari doktori, professor, akademik.

Biografiyasi

Xolboy Ibraimov 1957-yil 20-yanvar Payariq tumanida tugʻilgan. 1979-yilda Samarqand davlat pedagogika institutini tugatgan. 1979—2003-yillarda Samarqand davlat universiteti psixoogiya kafedrasi katta oʻqituvchisi, dotsent, Pedagogika va psixologiya kafedrasi mudiri, Pedagogika va maktabgacha taʼlim kafedrasi mudiri, pedagogika fakulteti dekani, 2003—2004-yillarda Oʻzbekiston Pedagogika fanlari ilmiy tadqiqot instituti direktori, 2009-yilda Navoiy davlat pedagogika instituti rektori lavozimida ishlagan. Hozirda Oʻzbekiston Pedagogika fanlari ilmiy tadqiqot instituti direktori sifatida faoliyat yurtimoqda. 2010—2014-yillarda Oliy Majlis Senati aʼzosi boʻlgan.

Ilmiy faoliyati

Xolboy Ibraimov 4 ta monografiya, 10 ta darslik va oʻquv qoʻllanma, 500 dan ortiq ilmiy maqolalar muallifi. Turon Fanlar akademiyasi akademigi (2013). Rossiya Psixologiya fanlari akademiyasi akademigi (2016).

Mukofotlari

• „Xalq taʼlimi aʼlochisi“ koʻkrak nishoni (2005, 2006);
• „Oʻzbekiston Respublikasi mustaqilligiga 15 yil“ esdalik nishoni (2006);
• „Oʻzbekiston Respublikasi mustaqilligiga 20 yil“ esdalik nishoni (2011).
• 2023-yil 23-dekabrda Xolboy Ibraimov Oʻzbekiston Fanlar Akademiyasining haqiqiy aʼzosi etib tasdiqlandi va unga akademik unvoni berildi.