Ukrainada Statistika xodimlari kuni
„Statistika xodimlari kuni“ (ukr. Statistikachilar kuni) — har yili 5-dekabrda[1] Ukrainada statistika xodimlarining milliy kasb bayrami.
„Ukraina statistika xodimlari kuni“ rasmiy davlat kasb bayrami maqomini nisbatan yaqinda, uchinchi ming yillik boshlarida oldi. 2002-yil 2-dekabrda Ukraina Respublikasining poytaxti, qahramon shahar Kiyevda Ukrainaning ikkinchi Prezidenti Leonid Danilovich Kuchma № 1120/2002-sonli „Ukrainada statistika xodimlari kuni toʻgʻrisida“gi farmonni imzoladi. Unda statistika xodimlari kuni har yili 5-dekabrda nishonlanash belgilangan edi. Davlat rahbari Leonid Kuchmaning farmonida mamlakatda yangi kasb bayrami joriy etilishi borasida jumladan shunday deyiladi: „Ukraina Davlat statistika qoʻmitasi tashabbusini qoʻllab-quvvatlash va ushbu soha xodimlarining davlat iqtisodiyoti rivojiga qoʻshgan salmoqli hissasini inobatga olgan holda“[2].
Aytish mumkinki, ushbu bayram joriy etilishi Ukraina hukumatining respublika statistika sohasining barcha xodimlarining mashaqqatli va mas’uliyatli mehnati eʼtirofidir. Buni Leonid Kuchmaning „Statistika xodimlari kuni toʻgʻrisida“gi farmonni imzolaganidan keyin uch kun oʻtgach aytgan soʻzlari tasdiqlaydi:
"Statistikasiz biz davlat va jamiyatdagi ishlarning haqiqiy holatini bilmas edik. Shuning uchun ham mustaqillik yillarida umumdavlat axborot tizimining uzviy qismiga aylanib ulgurgan milliy statistika tizimisiz Ukrainani rivojlantirish mumkin emas. Joriy yilda Statistika xodimlari kuni mamlakatimizda birinchi marta nishonlanmoqda. Uning tashkil etilishini mehnatingizga berilgan yuksak baho deb bilaman[3]".
Bu kunning sanasi tasodifan tanlanmagan va 2001-yilda Ukraina statistika xodimlari tomonidan amalga oshirish boshlangan ilk keng koʻlamli amaliyot bilan bogʻliq. Oʻshanda birinchi Butun Ukraina aholini roʻyxatga olish boshlangan edi.
„Ukraina statistika xodimlari kuni“ dam olish kuni hisoblanmaydi. Bayram sanasi dam olish kuniga toʻgʻri kelishi, istisno.