Kontent qismiga oʻtish

Stearin kislota

Vikipediya, ochiq ensiklopediya

Stearin kislota (oktadekan kislota-) – alifatik qatorning bir asosli toʻyingan karbon kislotasi. Rangsiz kristall modda. Molyar massasi-284,47. Suyuqlanish temperaturasi-69,6°, kaynash temperaturasi-376,1°, [13,3 kPa bosimda (100 mm sim. ust.)], zichligi 849 kg/m³ (70°da). Suvda erimaydi, organik erituvchilarda oz eriydi. Stearin kislota tabiatda keng tarqalgan yuqori yogʻ kislotalaridan biri. Stearin kislotaning glitseridlari koʻpchilik yogʻ va moylarning asosiy tarkibiy qismi hisoblanadi. Stearin kislotani stearindan choʻktirish va distillash usulida, olein kislotani gidrogenlab va boshqa usullarda olish mumkin. Stearin kislotaning ishqorli tuzlari – sovun. Stearin kislota organik sintezda, analitik kimyoda, vulkanizatsiyada va rezina tayyorlashda ishlatiladi. Natriy, litiy, kalsiy, qoʻrgʻoshin va boshqa metallarning stearinatlari plastik surkamalar komponenti sifatida kosmetik moddalar olishda qoʻllanadi[1].

  1. PubChem, US National Library of Medicine "Stearic Acid"