Sheffild

Sheffild — Buyuk Britaniyaning markaziy qismidagi shahar. Saut-Yorkshir metropoliten grafligining bosh shahri, Don daryosi boʻyida. Aholisi 421,8 ming kishi (2001). Yorkshir koʻmir havzasining ogʻir sanoat markazi. Poʻlat, prokat, quvurlar uchun yirik pokovkalar ishlab chiqarish, mashinasozlikning turli sohalari (shu jumladan, harbiy mashinasozlik) rivojlangan. Oziqovqat va yengil sanoat korxonalari mavjud. Qadimdan poʻlat va kumushdan turli tovarlar, zargarlik buyumlari, qurollar ishlab chiqariladi. universitet (1905), muzey, badiiy galereya bor.