RFA Sharqshunoslik instituti
Институт востоковедения Российской академии наук (ИВ РАН) | |
 | |
Xalqaro nomi |
Institute of Oriental Studies of the Russian Academy of Sciences |
|---|---|
| Turi | institut |
| Asos solingan sanasi | 1930 |
| Joylashuvi |
Moskva , Rossiya |
| Veb-sayti | ivran.ru |
Rossiya fanlar akademiyasi Sharqshunoslik instituti (ruscha: Институт востоковедения Российской академии наук) — Rossiya fanlar akademiyasining Osiyo va Shimoliy Afrika mamlakatlarini tadqiq qiluvchi ilmiy tadqiqot institutidir. Rossiya poytaxti Moskva shahrida joylashgan[1].
Ushbu institut 1818-yilda Sankt-Peterburg shahrida asos solingan va oʻsha paytda ushbu oliygoh "Imperatorlik fanlar akademiyasi qoshidagi Osiyo muzeyi" (ruscha: Азиатский музей при Императорской академии наук) deb atalgan. ХХ-asr boshlariga kelib, ushbu oliygoh Rossiya imperiyasidagi eng obroʻli sharqshunoslik donishgohlaridan biriga aylandi.
1930-yilda SSSR fanlar akademiyasida keng hajmli islohotlar boʻlib oʻtdi. Ushbu islohotlar natijasida Osiyo muzeyi, Buddaviy madaniyat insituti va Turkiyshunoslik kabineti birlashtirildi va hozirgi koʻrinishga keltirilib SSSR fanlar akademiyasiga boʻysundirildi.
1950-yil ushbu institut Sankt-Peterburgdan Moskva shahriga koʻchirildi. 1960-1970-yillarda ushbu oliygoh "Osiyo xalqlari instituti" (ruscha: Институт народов Азии) deb atalar edi. SSSR parchalanganidan soʻng, ushbu institut Rossiya fanlar akademiyasi tasarrufiga oʻtdi.
Manbalar
[tahrir | manbasini tahrirlash]- ↑ Густерин П. Становление востоковедения как науки. (Wayback Machine saytida 2015-09-23 sanasida arxivlangan)