Rishiri togʻi

Rishiri togʻi ; 利尻山
Turi	statovulqon
Joylashuvi	Xokkaydo, Yaponiya; 45°10′48″N 141°14′21″E / 45.18000°N 141.23917°E
	Yaponiya tabiiy xaritasi

Rishiri togʻi (yaponcha: 利尻山 Rishiri-zan^?)^[1] — toʻrtlamchi vulqon davrda paydo boʻlgan stratovulqon, Yaponiyaning Xokkaydo qirgʻogʻida, Yapon dengizi boʻyida joylashgan. U Yapon dengizidan koʻtarilib, Rishiri orolini hosil qiladi. Rishiri togʻining konussimon shakli Fudzi togʻiga oʻxshab ketganligi sababli ham, yerlik aholi uni baʼzan Rishiri Fudzi deb nomlashadi. Rishiri togʻi Yaponiyadagi 100 ta mashhur togʻlari roʻyxatiga kiritilgan. Rishiri togʻining balandligi 1721 m ga yetadi^[2].

Togʻ festivali

Rishiri togʻining ochilish festivali har yili 2-iyul va 3-iyul kunlarida oʻtkaziladi. Ushbu festival rasmiy ravishda toqqa chiqish mavsumini ochib beradi^[3]. Har yili shu festevalni tomosha qilish maqsadida Yaponiyaning turli hududlari va qoʻshni davlatlardan turistlar tashrif buyuradi. Toqqa chiqish muddati oktyabr-noyabr oylariga qadar davom etishi mumkin. Ammo keyinchalik, toqqa chiqish yopiladi. Sababi bu yerda qish qattiq va yoʻllar juda noqulay boʻlib qoladi.

Geologiyasi

Rishiri togʻi 130 000-18 000 yil oldin soʻnggi pleystotsen davridagi ishqoriy va ishqorli boʻlmagan mafik vulqon jinslari asosida shakllangan. Shuningdek, u toʻrtlamchi vulqon tosh qoldiqlari bilan qoplangan^[1].

Toqqa chiqish yoʻli

Rishiri choʻqqisiga chiqish alpinistlikni yangi boshlagan sayohatchilar uchun u qadar qulay emas, chunki toqqa chiqish yoʻllari juda xavfli. Togʻning pastki qismida lager va choʻqqidan uncha uzoq boʻlmagan masofada favqulodda vaziyatlar uchun qurilgan kulba bor. Undan biroz pastroqda ziyoratgoh joylashgan. Havo ochiq kunlari togʻ manzarasi Xokkaydo, qoʻshni Rebun oroliga va Rossiyadagi Saxalin orolidan ham yaqqol koʻrinib turadi.

Ommaviy madaniyatda

Shiroi Koibito toʻplamida markazda joylashgan Rishiri togʻining rasmini koʻrish mumkin.

Galereya

Rishiri oroli
Oshidomari portidan Rishiri togʻining koʻrinishi
Rishiri togʻining choʻqqisi pastdan olingan

Manbalar

↑ ^1,0 ^1,1 „Seamless Digital Geological Map of Japan“. The Geological Survey of Japan. National Institute of Advanced Industrial Science and Technology (2-noyabr 2007-yil). 23-yanvar 2013-yilda asl nusxadan arxivlangan. Qaraldi: 16-iyul 2008-yil.
↑ „Japan Ultra-Prominences“. peaklist.org. Qaraldi: 2-yanvar 2015-yil.
↑ Hunt, Paul. Hiking in Japan: An Adventurer's Guide to the Mountain Trails, First, Tokyo: Kodansha International Ltd., 1988 — 11-bet. ISBN 0-87011-893-5.

Havolalar

Rishirizan — Yaponiya meteorologiya agentligi (yaponcha)
— Yaponiya meteorologiya agentligi
Rishiri Zan — Yaponiya geologik xizmati

Andoza:100 Famous Japanese Mountains

[Seamless-1] 1,0 ^1,1 „Seamless Digital Geological Map of Japan“. The Geological Survey of Japan. National Institute of Advanced Industrial Science and Technology (2-noyabr 2007-yil). 23-yanvar 2013-yilda asl nusxadan arxivlangan. Qaraldi: 16-iyul 2008-yil.

[peaklist-2] „Japan Ultra-Prominences“. peaklist.org. Qaraldi: 2-yanvar 2015-yil.

[Hunt-3] Hunt, Paul. Hiking in Japan: An Adventurer's Guide to the Mountain Trails, First, Tokyo: Kodansha International Ltd., 1988 — 11-bet. ISBN 0-87011-893-5.

[1]

[2]

[3]