Rashid Malikov

Rashid Malikov
Tavalludi	3-iyul 1958-yil (1958-07-03) SSSR, Moskva
Fuqaroligi	Oʻzbekiston
Kasbi	aktyor, rejissyor va ssenariynavis
Filmlari	„Togʻa“, „Sabot“, „Klinika“ va „Tutqunlik“
Mukofotlari

Rashid Malikov – oʻzbek aktyori, rejissyori, ssenariynavisi va „O‘zbekkino“ badiiy kengashining aʼzosi. Rashid Malikov „Chinor ostidagi duel“ filmi va „Kelinlar qoʻzgʻoloni“ filmida aktyorlik, „Tog‘a“, „Sabot“ va „Tutqunlik“ filmlarida rejissyorlik qilgan.

Hayoti

Rashid Malikov 1958-yil 3-iyulda Moskva shahrida shifokorlar oilasida tavallud topgan. Malikovning otasi stomatolog onasi shifokor boʻlishgan. Malikov dastlab shifokor boʻlishni rejalashtirgan va 1975-yil Toshkent tibbiyot institutiga oʻqishga kirgan, uni 1980-yilda tamomlagan. Ammo u hech qachon tibbiyot sohasida ishlamagan. 1981-86-yillari Malikov Butunrossiya davlat kinematografiya institutining rejissyorlik fakultetida tahsil olgan. 1985-yil „Kelinlar qoʻzgʻoloni“ va „Suyunchi“ filimda kichik epizodlarni ijro etgan. 1986-yil kinematografiya institutini tugatib, Oʻzbekistonga qaytib kelgan. Malikovning aktyorlik faoliyati 1979-yilda „Chinor ostidagi duel“ filmdagi „Nortoy“ bosh rolini ijro etishdan boshlangan. 1993-yilda Rashid Malikov AQShda Film in USA dasturi doirasida malaka oshirgan.

Ijodi

1987-yilda Rashid Malikovning oʻzi ssenariysini yozgan „Klinika“ badiiy filmiga rejissyorlik qilgan.

2013-yilda Malikov Timofey Tribuntsev, Svetlana Ivanova va Ilya Lyubimov ishtirok etgan „Ayollar kuni“ romantik komediya filmga rejissyorlik qilgan.

2017-yilda suratga olingan „Sabot“ filmiga Malikov rejissyorlik qilgan.

2021-yilda suratga olingan drama janriga oid Tutqunlik badiiy filmga Malikov rejissyorlik qilgan.

Filmografiyasi

Rejissor

Yil	Nom	Izoh
1986	Pravila xoroshego tona	Qisqa metrajli film
1987	Klinika	Drama
1989	Tneveroyatniy sluchay	Fantastika, komediya
1991	Polunochniy blyuz	Melodrama, detektiv
1992	Tayna paporotnikov	Drama
1997	Peshiy	Drama
2008	Konstantinopol
2008	Planeta pravoslaviya	Hujjatli film
2009	Utrenniy veter
2013	Ayollar kuni	Melodrama, komediya
2014	Dada
2017	Svideteli	Detektiv
2018	Sabot	Drama
2019	Sumbul
2021	Tutqunlik	Drama, jangari, tarixiy film

Aktyor

Yil	Film	Rol	Izoh
1979	Chinor ostidagi duel	Nortoy	Melodrama
1979	Loshadi pod lunoy	Oktam
1980	Afsonaviy qiz	Abduvahob	Tarixiy film
1984	Kelinlar qoʻzgʻaloni	Toʻxtasin	Melodrama
1986	O tom, chego ne bilo		Drama
1989	Vojd na odnu smenu		Drama
1992	Nulevoy variant	Xodjayev	Jangari film
1997	Piyoda		Drama
2002	Drongo		Jangari film

Mukofotlari

Rashid Malikov 1986-yil „Yaxshi taʼm qoidalari“ qisqa metrajli film uchun Moskva yosh kinematograflar festivali mukofotiga, 1988-yil „Klinika“ filmi uchun Lenin Komsomoli mukofotiga, 1991-yil „Tungi blyuz“ filimi uchun Ashxobod xalqaro kinofestivalining bosh mukofotiga, 2014-yil „Togʻa“ nomli filmi uchun Rossiyadagi „V krugu semi“ xalqaro kinofestivalining bosh mukofotiga, 2018-yil „Sabot“ filimi uchun Rossiya kinematografchilari ittifoqining kinoshunoslar va kinotanqidchilar gildiyasi sovrinini, Kinoklublar federatsiyasi diplomini qoʻlga kiritgan. Malikov 2019-yil „Sabot“ filmidagi ishi uchun „Eng yaxshi rejissorlik ishi“ nominatsiyasi gʻolibi boʻlgan. 2022-yil avgust oyi Oʻzbekiston Respublikasi Prezidentining farmonni asosid Rashid Malikov „Do‘stlik“ ordeni bilan mukofotlangan.

Rashid Malikovning kinoteatrlarning kelajagi haqida Gazeta.uz muxbiriga bergan intervyusidan:

Mening shaxsiy bashoratim shuki, vaqti kelib kinoteatrlar ommaviy ravishda yopiladi va filmlar Netflix kabi striming platformalariga o‘tadi.

Shaxsiy hayoti

Rashid Malikov ikki farzand otasi. Ularning biri qiz biri oʻgʻil.

Havolalar

• Rashid Malikov IMDbda
• Malikov oʻynagan, rejissorlik qilgan va ssenariy yozgan filmlar roʻyxati ^(rus.)