Vikipediya, ochiq ensiklopediya
Qizilirmoq (turkcha: Kızılırmak; qadimgi yunoncha: Ἅλυς) — Turkiyaning shim. qismidagi daryo, Qizildogʻ togʻlaridan boshlanadi va Anadolu yassitogʻligi hamda Pontiya togʻlarini kesib oʻtib, Qora dengizga delta hosil qilib quyiladi. Uzunligi 1151 km, havzasining maydoni 77,1 ming km². Bahorda sersuv, yozda suvi kamayadi. Oʻrtacha suv sarfi 170 m³/sek. Suvidan sugʻorishda foydalaniladi. Oʻrta oqimida Xirfanli gidrouzeli (GES, uz. 75 km li suv ombori) qurilgan. Daryo vodiysida Sivas, Bafra shahrilari joylashgan.
