Nikolay Osinovskiy

Nikolay Ivanovich Osinovskiy
Tavalludi	6-fevral 1888-yil; Rossiya imperiyasi
Vafoti	28-noyabr 1953-yil ; Moskva, SSSR
Fuqaroligi	Rossiya imperiyasi→ SSSR
Ish joylari	Rostov tibbiyot instituti, Markaziy Osiyo universiteti, Ikkinchi Moskva tibbiyot instituti
Taʼlimi	S. M. Kirov nomidagi Harbiy tibbiyot akademiyasi
Mukofotlari

Nikolay Ivanovich Osinovskiy (1888-yil 6-fevral – 1953-yil 28-noyabr) – sovet olimi, pediatr, tibbiyot fanlari doktori, professor, Ikkinchi Moskva tibbiyot instituti bolalar kasalliklari kafedrasi mudiri (1933—1958), RSFSRda xizmat koʻrsatgan fan arbobi (1958).

Hayoti

Nikolay Ivanovich Osinovskiy 1888-yil 6-fevralda tugʻilgan.

1913-yilda Imperator harbiy tibbiyot akademiyasida oʻqishni muvaffaqiyatli tugatgan. Harbiy shifokor boʻlib xizmat qilgan.

1917-yilda Rostov tibbiyot institutining bolalar kasalliklari kafedrasida ilmiy xodim boʻlib ishlay boshlagan.

1923-yilda Gorkiy nomidagi tibbiyot institutining bolalar kasalliklari kafedrasi mudiri etib tayinlangan.

1923–1931-yillarda Toshkent shahrida yashagan va Oʻrta Osiyo davlat universitetining davolash fakulteti bolalar kasalliklari kafedrasi mudiri boʻlib ishlagan.

1931-yilda u Leningradga qaytib kelgan va 1933-yilgacha bolalar va oʻsmirlarni himoya qilish ilmiy-tadqiqot institutida biologiya boʻlimi mudiri boʻlib ishlagan. 1933-yilda Ikkinchi Moskva tibbiyot institutining bolalar kasalliklari kafedrasi mudiri lavozimiga tayinlangan. Doktor Osinovskiy bu lavozimda vafotigacha ishlagan^[1].

70 dan ortiq ilmiy ishlar, jumladan, 5 ta monografiya muallifi hisoblanadi. U bolalar kasalliklari boʻyicha uchta darslikning hammuallifi boʻlgan. Bolalarda bezgak, leyshmanioz, lyamblioz, toksoplazmoz, yurak-qon tomir tizimining fiziologiyasi va patologiyasi kechishining yoshga bogʻliq xususiyatlarini oʻrganish boʻyicha ilmiy tadqiqot ishlarida faol ishtirok etgan. SSSRda bolalarda tugʻma yurak nuqsonlarini batafsil oʻrganishni boshlagan birinchi olimlardan boʻlgan. Tasodifiy yurak shovqinlarini batafsil oʻrganib chiqqan. Markaziy Osiyo ona va bolani himoya qilish instituti tashkilotchisi boʻlgan^[1].

U „Pediatriya“ jurnali tahririyati aʼzosi, RSFSR va SSSR Sogʻliqni saqlash vazirligi Ilmiy kengashi aʼzosi boʻlgan.

Nikolay Ivanovich Osinovskiy 1953-yil 28-noyabrda Moskvada vafot etgan. U Malaxovskiy qabristoniga dafn qilingan^[2].

Mukofotlari

Lenin ordeni
RSFSRda xizmat koʻrsatgan fan arbobi (1958)

Adabiyotlar

К 70-летию профессора Н. И. Осиновского // Педиатрия. — 1958. — № 2. — С. 84;
Памяти Н. И. Осиновского // Педиатрия. — 1959. — № 3. — С. 88;
Профессор Н. И. Осиновский (35 лет врачебной, педагогической и научной деятельности) // Педиатрия. — 1948. — № 3. — С. 74.

Manbalar

↑ ^1,0 ^1,1 „ОСИНОВСКИЙ Николай Иванович — Большая Медицинская Энциклопедия“. xn--90aw5c.xn--c1avg. 2021-yil 15-iyunda asl nusxadan arxivlangan. Qaraldi: 2020-yil 31-avgust.
↑ „Осиновский Николай Иванович (1988-1953) - педиатр, дмн., профессор, Заслуженный деятель наука РСФСР. Могилы врачей, Малаховское кладбище“. mednecropol.ru. 2020-yil 3-dekabrda asl nusxadan arxivlangan. Qaraldi: 2020-yil 31-avgust.

Havolalar

БМЭ. Осиновский Николай Иванович

[автоссылка1-1] 1,0 ^1,1 „ОСИНОВСКИЙ Николай Иванович — Большая Медицинская Энциклопедия“. xn--90aw5c.xn--c1avg. 2021-yil 15-iyunda asl nusxadan arxivlangan. Qaraldi: 2020-yil 31-avgust.

[2] „Осиновский Николай Иванович (1988-1953) - педиатр, дмн., профессор, Заслуженный деятель наука РСФСР. Могилы врачей, Малаховское кладбище“. mednecropol.ru. 2020-yil 3-dekabrda asl nusxadan arxivlangan. Qaraldi: 2020-yil 31-avgust.

[1]

[2]