Mirzamahmud Musaxonov

Mirzamahmud Mirzarahmonovich Musaxonov
O‘zbekiston Kompartiyasi Toshkent viloyat qo‘mitasining 14-birinchi kotibi-
	Mansab davri; 1970-yil yanvar – 1985-yil 22-yanvar
Avvalgisi	Маlik Аbdurazoqovich Abdurazoqov
Keyingisi	Тimur Аgzamovich Аlimov
Fayl:Flag of the Uzbek Soviet Socialist Republic (1952—1991).svg O‘zbekiston SSR Oliy Sovetining Raisi-
	Mansab davri; 1961-yil 30-may – 1963-yil 22-mart
Avvalgisi	Rasul G‘ulomovich G‘ulomov
Keyingisi	Obid Sodiqov
Fayl:Flag of the Uzbek Soviet Socialist Republic (1952—1991).svg Oʻzbekiston SSR Yengil sanoat vaziri-
	Mansab davri; 1951-yil – 1953-yil
Shaxsiy maʼlumotlari
Tavalludi	9 (22)-оktyabr 1912-yil; Тoshkent, Sirdaryo viloyati, Turkiston general-gubernatorligi, Rоssiya imperiyasi
Vafoti	5-yanvar 1995-yil (82 yosh) ; Тoshkent, O‘zbekiston
Dafn qilingan joyi	Тoshkent; Тoshkent
Siyosiy partiyasi	VKP/KPSS (Sovet Ittifoqi Kommunistik partiyasi) (1943-yildan)
Taʼlim	Moskva to‘qimachilik instituti (1937-yil)
Mukofotlari	; ; 1991-yil 16-iyulda barcha mukofotlardan mahrum etilgan

Mirzamahmud Mirzarahmonovich Musaxonov (1912—1995-yillarda yashab oʻtgan) — oʻzbeksovet davlat va partiya arbobi. 1952-yildan KPSS (Sovet Ittifoqi Kommunistik partiyasi) aʼzosi hisoblangan. 1961—1976-yillarda KPSS Markaziy Qoʻmitasi aʼzoligiga nomzod va 1976—1986-yillarda KPSS Markaziy Qoʻmitasi aʼzosi, SSSR Oliy Soveti Ittifoq Kengashining 7- va 11-chaqiriqlarida (1966—1989-yillarda) Toshkent viloyati deputati^[1] etib saylangan.

Biografiyasi

Mirzamahmud Mirzarahmonovich Musaxonov 1912-yilning 9 (22) — oktabrida Toshkentda (boshqa maʼlumotlarga koʻra Fargʻonada^[2]) tugʻilgan. Otasi Mirzarahmon Musaxonov (Fargʻonada tugʻilgan) birinchi inqilobchilardan boʻlib, 1923—1924-yillarda Turkiston SSR Ichki ishlar xalq komissari boʻlgan.

Musaxonov 1937-yilda Moskva toʻqimachilik institutini tamomlab, Oʻzbekiston SSR toʻqimachilik sanoati korxonalarida ishlay boshlagan. Faoliyati davomida Fargʻona toʻqimachilik kombinatida navbatchi usta vazifasidan tortib, korxona direktorigacha boʻlgan yoʻlni bosib oʻtgan^[2]. 1943-yildan boshlab esa VKP/KPSS (Sovet Ittifoqi Kommunistik partiyasi) aʼzosiga aylangan.

1948—1951-yillarda Mirzamahmud Mirzarahmonovich, Oʻzbekiston SSR Oziq-ovqat va Yengil sanoat vazirining birinchi oʻrinbosari. 1951—1953-yillarda mazkur vazirlikning Vaziri, 1953—1955-yillarda Oʻzbekiston SSR Vazirlar Soveti Devoni xodimi. 1955—1956-yillarda Oʻzbekiston Kompartiyasi Toshkent viloyat qoʻmitasi kotibi. 1956—1957-yillarda Oʻzbekiston SSR Davlat plan qoʻmitasi raisi. 1957—1958-yillarda Oʻzbekiston SSR Vazirlar Soveti Raisining oʻrinbosari. 1958-yilda qayta Oʻzbekiston Kompartiyasi Toshkent viloyat qoʻmitasi kotibi.

1958—1959-yillarda Oʻzbekiston Respublikasi Kasaba uyushmalari kengashi raisi. 1959—1961-yillarda Butunittifoq Kasaba uyushmalari markaziy kengashi kotibi lavozimlarida faoliyat olib borgan.

Shuningdek, Musaxonov 1961-yil 30-maydan 1963-yil 22-martgacha - Oʻzbekiston SSR Oliy Soveti Raisi boʻlgan. 1962-1965 yillarda Oʻzbekiston Kompartiyasi Markaziy Qoʻmitasi va Oʻzbekiston SSR Vazirlar Sovetining Partiya-davlat nazorati qoʻmitasi raisi va bir vaqtning oʻzida Oʻzbekiston SSR Vazirlar Soveti Raisining oʻrinbosari lavozimlarida ishlagan. 1965-yilning dekabr oyidan 1970-yilning yanvar oyigacha — Oʻzbekiston SSR Vazirlar Soveti Raisining birinchi oʻrinbosari vazifasida mehnat qilgan.

Musaxonov shu bilan birga, 1970-yil yanvar oyidan 1985-yil 22-yanvargacha — Oʻzbekiston Kompartiyasi Toshkent viloyat qoʻmitasining birinchi kotibi boʻlib ham ishlagan.

SSSR Oliy Soveti Prezidiumining 1976-yil 25-dekabrdagi Farmoni bilan Mirzamahmud Mirzarahmonovich Butunittifoq sotsialistik musobaqasida erishilgan yuksak muvaffaqiyatlar, paxta, gʻalla va boshqa qishloq xoʻjaligi mahsulotlarini yetishtirish va sotishni koʻpaytirish boʻyicha rejalar va sotsialistik majburiyatlarni bajarishda koʻrsatan mehnati va jasorati sabab Lenin ordeni va „Oʻroq va bolgʻa“ oltin medali hamda „Sotsialistik Mehnat Qahramoni“ unvoni bilan taqdirlangan.

Musaxonov 1985-yilning yanvar oyida nafaqaga chiqqan.

U,,paxta ishi" deb nomlangan ishda ishtirok etgan degan ayblov bilan 1987-yil 20-sentabrda Gdlyan-Ivanov guruhi tomonidan hibsga olingan. Unga Tojikiston SSR Oliy sudi tomonidan 1990-yilning 2-fevralida olti yillik qamoq jazosi hukmi berilgan va xuddi shu sud tomonidan 1992-yil 24-aprelda 4-18-92-sonli qaror bilan aybdorlik dalillari yoʻqligi sabab sudlanganligi noqonuniy deb topilib, hukm sud ishi yakullangan. Shundan soʻng Musaxonov ozodlikka chiqqan. Ammo SSSR Prezidentining 1991-yil 16-iyuldagi farmoni bilan uning barcha davlat mukofotlari, jumladan, „Sotsialistik Mehnat Qahramoni“ unvoni bekor qilingan. Ushbu farmon hali ham amalda.

Mirzamahmud Mirzarahmonovich Toshkentda istiqomat qilgan. U 1995-yil 5-yanvarda vafot etgan va Toshkent shahrida dafn etilgan.

Manbalar

↑ „Список депутатов Верховного Совета СССР 11 созыва“. 2011-yil 26-sentyabrda asl nusxadan arxivlangan. Qaraldi: 16-may 2013-yil.
↑ ^2,0 ^2,1 {{{заглавие}}}.

Havolalar

Mirzamaxmud Mirzaraxmanovich Musaxanov (rus.). Sayt „Geroi strani“.
Biografiya v Spravochnike po istorii Kommunisticheskoy partii i Sovetskogo Soyuza
Biografiya na sayte „TsentrAziya“ (Wayback Machine saytida 2016-03-04 sanasida arxivlangan)
[www.az-libr.ru/index.shtml?Persons&CLH/9735652a/index Biografiya na sayte „AzLibr“]

[1] „Список депутатов Верховного Совета СССР 11 созыва“. 2011-yil 26-sentyabrda asl nusxadan arxivlangan. Qaraldi: 16-may 2013-yil.

[некролог-2] 2,0 ^2,1 {{{заглавие}}}.

[1]

[2]